آج کل کی فلموں میں میرے لیے کوئی کردار نہیں، فریدہ جلال

ممبئی: لیجنڈری اداکارہ فریدہ جلال نئی بھارتی فلموں کے حوالے سے اپنے تحفظات کا اظہار کیا ہے ایک انٹرویو میں انھوں نے کہا کہ آج کل کی فلموں میں ان کے لیے کوئی کردار تخلیق نہیں کیا جارہا جس سے انھیں بہت مایوسی ہورہی ہے۔

فریدہ جلال کا کہنا تھا کہ ماضی میں انھیں جس طرح کے رول ملتے رہے ہیں اس طرح کے کرداروں کی آج کی فلموں میں شدید کمی ہے۔انھوں نے ماضی کی اپنی یادگار فلموں’’دل والے دلہنیا لے جائیں گے‘‘ پکار اور ’’دل تو پاگل ہے‘‘ کی مثال دیتے ہوئے کہا کہ مذکورہ فلمیں اپنے اچھوتے کرداروں اور کہانی کی وجہ سے شہرہ آفاق ثابت ہوئیں۔انھوں نے وہ آج بھی ایسی ہے لازوال کردار کرنے کی متمنی ہیں۔