حالیہ میچز میں کارکردگی اچھی نہیں تھی لیکن ورلڈکپ کیلیے تیار ہیں شاہد آفریدی

بھارت میں خدشات اور غیر یقینی باتوں کو پس پردہ رکھ کر صرف کرکٹ اور جیت پر توجہ دینے چاہیے، قومی کپتان، فوٹو؛ فائل

---

قومی ٹی ٹوئنٹی ٹیم کے کپتان شاہد آفریدی کا کہنا ہے کہ حالیہ میچز میں ہماری کارکردگی اچھی نہیں لیکن ورلڈکپ کے لیے تیار ہیں۔

سماجی رابطوں کی سائٹ ٹوئٹر پر اپنے بیان میں قومی ٹی ٹوئنٹی کرکٹ ٹیم کے کپتان شاہد آفریدی کا کہنا تھا کہ حالیہ میچز میں ہماری کارکردگی اچھی نہیں تھی لیکن ورلڈکپ کے لیے تیار ہیں۔ انہوں نے کہا کہ بلے بازوں کو ذمہ داری لینا ہوگی اور وہ اتنا اسکور کریں کہ ہمارے بولر اس کا دفاع کرسکیں۔

شاہد آفریدی کا کہنا تھا کہ بھارت میں خدشات اور غیر یقینی باتوں کو پس پردہ رکھنا چاہیے، ہمیں ماضی کو بھلا کر صرف کرکٹ اور جیت پر توجہ دینے چاہیے۔ قومی کپتان نے قوم سے ٹیم کی حوصلہ افزائی کی بھی درخواست کی۔

واضح رہے کہ حکومت کی جانب سے قومی ٹیم کو بھارت جانے کی اجازت دے دی گئی ہے جس کے بعد ٹیم کی آج رات یا کل صبح براستہ دبئی کولکتہ روانگی متوقع ہے جب کہ ورلڈ ٹی ٹوئنٹی میں پاکستان اور بھارت کا میچ 19 مارچ کو کھیلا جائے گا۔

We haven't done well in recent matches.But for WorldT20 we r ready, batsmen must take responsibility& score enough for bowlers to defend1/2

— Shahid Afridi (@SAfridiOfficial) March 11, 2016

We want to leave behind the uncertainty & concerns in India we ONLY want to focus on cricket and winning.Keep supporting green team.

— Shahid Afridi (@SAfridiOfficial) March 11, 2016