وزیراعلیٰ نے محکمہ تعلیم میں4 ہزار بھرتیاں منسوخ کردیں

لاکھوں روپے رشوت لیکر بھرتیوں کی اطلاعات پر کارروائی، انکوائری کا حکم. فوٹو: فائل

---

وزیراعلیٰ سندھ سید قائم علی شاہ نے محکمہ تعلیم میں لاکھوں روپے رشوت لے کر 4 ہزار بھرتیاں منسوخ کردیںاورمعاملے کا نوٹس لیتے ہوئے چیئرمین اینٹی کرپشن اور چیئرمین وزیراعلیٰ انسپیکشن ٹیم کو انکوائری کی ہدایت کردی ہے ۔

وزیراعلیٰ سندھ نے ضلع جیکب آباد اور ضلع شکارپور میں ہونے والی غیر شفاف بھرتیوں پر افسوس کا اظہار کرتے ہوئے کہا کہ مذکورہ واقعہ فوری اہمیت کا حامل ہے ۔ انھوں نے ذمہ داروں کے خلاف کارروائی کی ہدایت کرتے ہوئے ایک ہفتے میں رپورٹ طلب کرلی ہے ۔