سوئم حسینؓ پر سیکیورٹی کے غیر معمولی اقدامات کیے جائیں آئی جی

آئی جی سندھ فیاض لغاری نے ہدایات جاری کی کہ سوئم کے موقع پر تمام ڈی آئی جیز علاقوں میں مسلسل گشت اورکڑی نگرانی کا عمل جاری رکھیں۔ فوٹو: فائل

---

سینٹرل پولیس آفس سے جاری اعلامیے کے مطابق آئی جی سندھ نے پولیس کو ہدایات جاری کی ہیں کہ سوئم حضرت امام حسینؓ کے موقع پر منعقد کی جانے والی مختلف مجالس اور برآمد ہونے والے جلوسوں کی سیکیورٹی انتہائی موثر اور مربوط بنائی جائے۔

انھوں نے کہا کہ پولیس ذونز، اضلاع اور تھانوں کی سطح پر انٹیلی جنس اداروں ، مذہبی قائدین ، رہنمائوں ، علمائے کرام اور کمیونٹی کے نمائندوں سے قائم روابط کو برقرار رکھا جائے تاکہ ماہ محرم کے گذشتہ ایام کی طرح آنے والے دنوں میں بھی شہریوں کی جان و مال کے تحفظ کو یقینی بنایا جائے، انھوں نے ہدایات جاری کی کہ سوئم کے موقع پر تمام ڈی آئی جیز علاقوں میں مسلسل گشت اورکڑی نگرانی کا عمل جاری رکھیں۔