پی آئی اے كی انٹرنیشنل فلائٹ میں مسافروں كے كھانے سے كیڑے نكل آئے

پی آئی اے انتظامیہ نے واقعے كا نوٹس لیتے ہوئے ملائیشیا میں كھانا فراہم كرنے والی كمپنی سے جواب طلب كرلیا۔ فوٹو:فائل

---

پی آئی اے كی كوالالمپور سے لاہور آنے والی پرواز میں مسافروں كو دیئے گئے كھانے سے كیڑے نكل آئے۔

كوالالمپور سے آنے والی پی آئی اے كی پرواز پی كے 899 پر سفر كرنے والے مسافروں كے مطابق دوران پرواز جہاز کے عملے کی جانب سے انہیں جو کھانا دیا گیا اس میں کیڑے موجود تھے جس کی انہوں نے ویڈیو بھی بنائی۔ دوران پرواز كھانے میں كیڑے نكلنے كی وجہ سے مسافروں كو شدید ذہنی اذیت كا سامنا كرنا پڑا۔ واقعہ كے بعد مسافروں نے تحریری شكایت كا اندراج كرادیا جب کہ پی آئی اے انتظامیہ نے واقعے كا نوٹس لیتے ہوئے ملائیشیا میں كھانا فراہم كرنے والی كمپنی سے جواب طلب كرلیا۔

پی آئی اے ترجمان كے مطابق ملائیشیا میں كھانا فراہم كرنے والی كمپنی سے فوری رابطہ كركے اس حوالے سے جواب طلب كرتے ہوئے معاملے كی چھان بین كرنے كو كہا گیا ہے جب کہ پی آئی اے نے مسافروں کے ساتھ پیش آنے والے اس واقعے پر معذرت بھی کی ہے۔