سٹی کورٹ میں تیزاب پھینک کر مفرور ہونیوالاملزم گرفتار

عدالت نے ملزمان کو جھیل بھیج دیا،ملزمان پر قتل اور اقدام قتل کا مقدمہ درج ہے. فوٹو: فائل

---

سٹی کورٹ میں تیزاب پھینک کر قتل کرنے کے الزام میں مفرور ملزم کو تھانہ سٹی کورٹ نے گرفتار کرلیا ہے۔

عدالت نے ملزم کو جیل بھیج دیا،تفصیلات کے مطابق 15جون کو ملزمان عارف ، صابر حسین اور خادم حسین نے پیشی پر آئے ہوئے مقتول شہباز نواز پر تیزاب پھینک کر فرار ہوگئے تھے پولیس نے ملزم عارف کو موقع سے گرفتار کرلیا تھا بعدازاں صابر حسین کو بھی گرفتار کرلیا گیا تھا۔



ملزم خادم حسین جو کہ ڈیفنس میں رہتا تھا اور روپوش ہوگیا تھا گزشتہ روز گرفتار ملزمان سے ملنے آیا تو مخبر خاص کی اطلاع پر پولیس افسر اسلم خان نیازی نے ملزم کو گرفتار کرلیا تھا اور ایڈیشنل ڈسٹرکٹ اینڈ سیشن جج شرقی کے روبرو پیش کیا فاضل عدالت نے ملزم کو جیل بھیج دیا ہے ملزمان کے خلاف تھانہ سٹی کورٹ میں قتل، اقدام قتل کا مقدمہ درج ہے۔

ڈسٹرکٹ اینڈ سیشن جج جنوبی احمد صبا نے عالمی شہرت یافتہ مصور اسماعیل گل جی،اسکی اہلیہ زرین گل جی اور ملازمہ آسیہ کے تہرے قتل میں ملوث ملزم اکرم کے سماعت 5 دسمبر تک ملتوی کردی ہے۔