جنرل جیمز میٹس امریکا کے نئے وزیر دفاع نامزد

واشنگٹن: نو منتخب امریکی صدر ڈونلڈ ٹرمپ نے عراق اور افغانستان میں امریکی فوج کی قیادت کرنے والے سابق جنرل جیمز میٹس کو وزیر دفاع نامزد کردیا ہے۔

نومنتخب امریکی صدر ڈونلڈ ٹرمپ نے اوہائیو میں ایک تقریب کے دوران جنرل جیمز ماٹس کا نام وزیر دفاع کے لیے نامزد کرتے ہوئے کہا کہ جیمز زبردست آدمی ہے اور یہ جنرل جارج کے قریبی ہیں جو دوسری جنگ عظیم میں ہمارے ساتھ تھے۔ جنرل جیمس ماٹس’میڈ ڈاگ‘ کے نام سے مشہور ہیں، جنرل جیمس عراق اور افغانستان میں اپنی خدمات سرانجام دے چکے ہیں جب کہ وہ اوباما انتظامیہ کی مشرقی وسطیٰ سمیت ایران کی پالیسی کے سخت ناقد رہے ہیں۔

واضح رہے کہ جیمز میٹس افغانستان اور عراق کی جنگوں کے دوران امریکی فورسز کے کمانڈر کے طور پر کام کر چکے ہیں اور وزارت دفاع میں انہیں  نہایت قابل احترام جانا جاتا ہے۔