- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
نوکیا کا پہلا اینڈروئید اسمارٹ فون متعارف
ہیلسنکی: طویل عرصے کی خاموشی کے بعد بالآخر موبائل فون بنانے والی کمپنی نے نوکیا نے اپنا پہلا اسمارٹ فون متعارف کرادیا۔
یہ فون ایچ ایم ڈی گلوبل ریلیز کرے گی اور اس موبائل کو نوکیا 6 کا نام دیا گیا ہے۔ اس سے قبل 2014 میں نوکیا کمپنی کے برانڈ کے حقوق مائیکروسافٹ نے خریدے تھے اور یوں نوکیا ونڈو فون ریلیز کئے گئے تھے۔ لیکن اب ایچ ایم ڈی نوکیا کے لیے پہلا اینڈروئڈ فون ریلیز کررہی ہے۔
ایچ ایم ڈی نے تصدیق کی ہے کہ اس میں اینڈروئیڈ آپریٹنگ سسٹم کا ساتواں ورژن نوگاٹ شامل کیا گیا ہے۔ تجزیہ کاروں کے مطابق اینڈروئڈ فون سے نوکیا تھرڈ پارٹی سافٹ ویئر کی ایک وسیع دنیا کو اپنے فون میں شامل کرسکے گا جو صارفین کے لیے توجہ کا مرکز بن سکتا ہے۔ نئے فون کے ہارڈ ویئر میں بھی جدت پیدا کی گئی ہے اوراس اینڈروئڈ اسمارٹ فون میں 4 جی بی ریم، 64 جی بی سرکٹ اسٹوریج، 16 میگا پکسل کیمرہ اور 3 ہزار ایم اے ایچ بیٹری نصب ہے۔ اضافی میموری کے لیے ایس ڈی ایم کارڈ سلاٹ بھی موجود ہے۔
نوکیا کے مطابق اسے چین کی مارکیٹ میں لانچ کیا جائے گا جہاں نوکیا برانڈ کو ایک نئی زندگی مل سکتی ہے۔ تجزیہ کاروں کے مطابق یورپ اور شمالی امریکا کے برخلاف چینی مارکیٹ بہت طاقتور اور وسیع ہوتی جارہی ہے اور وہاں سے نوکیا کو لانچ کرنا نسبتاً آسان بھی ہوگا۔ تاہم ایچ ایم ڈی کمپنی بھی نئی ہے اور اسے کئی چیلنجز کا سامنا بھی ہے۔
ٹیکنالوجی ماہرین کے مطابق اس طرح نوکیا درمیانی مارکیٹ میں اپنا قدم جمانا چاہتا ہے۔ یہ ایک ایسا فون ہے جو نہ بہت مہنگا ہے اور نہ ہی بہت سستا اور اپنے ہم پلہ فونز کے مقابلے اس میں جدید ترین سہولیات رکھی گئی ہیں۔ اس کے بورڈ میں اسنیپ ڈریگن 430 سسٹم لگایا گیا ہے جبکہ قیمت قریباً 25 ہزار روپے تک متوقع ہے۔ اس میں ایٹموس ساؤنڈ پروسیسنگ سے ڈولبی ساؤنڈ سنائی دے گی جبکہ فون المونیم کے کیس میں بند ہے۔
تجزیاتی ماہرین کے مطابق اس وقت بھی بازار میں اسنیپ ڈریگن چپس کے ساتھ جدید اینڈروئڈ فون 20 سے 30 ہزار روپے میں فروخت ہورہے ہیں۔ دوسری جانب فون میں ڈیزائن کا ایک اہم کردار ہوتا ہے اور اسی وجہ سے ایپل کے مہنگے فون ہاتھوں ہاتھ فروخت ہوجاتےہیں۔
نوکیا 6 اینڈروئڈ فون اگلے تین ماہ میں فروخت کے لیے پیش کردیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔