ننھی اداکارہ زائرہ وسیم کا بھارتی وزیر کھیل کو حجاب سے متعلق کرارا جواب

ممبئی: بالی ووڈ اسٹار عامر خان کی فلم ’’دنگل‘‘ میں گیتا پھوگاٹ کی کم عمری کاکردار کرنے والی ننھی زائرہ وسیم نے بھارتی وزیر کھیل وجے گوئل کو حجاب سے متعلق بیان پر کرارا جواب دیا ہے۔

بھارت کی حکمران جماعت بھارتیہ جنتا پارٹی اور ہندو انتہاپسند جماعتیں اسلام کے خلاف ہرزہ سرائی کا کوئی بھی موقع ہاتھ سے جانے نہیں دیتیں جس کے بعد اب  بھارت کے مرکزی وزیر کھیل  وجے گوئل نے سماجی رابطے کی ویب سائٹ ٹوئٹرپردہلی میں انڈیا آرٹ فیسٹول میں خاتون کی سلاخوں کے پیچھے قید پینٹنگ کا حوالہ دیتے ہوئے ٹوئٹ کیا کہ ’’یہ پینٹنگ زائرہ وسیم کی طرح کی ایک کہانی کو پیش کرتی ہے ‘‘۔

This painting tells a story similar to @zairawasim, पिंजरा तोड़ कर हमारी बेटियां बढ़ने लगी हैं आगे | More power to our daughters!
2/2 pic.twitter.com/RaolLKrZeg

— Vijay Goel (@VijayGoelBJP) January 19, 2017

بھارتی وزیر کھیل کے جواب میں مقبوضہ وادی سے تعلق رکھنے والی ننھی اداکارہ زائرہ وسیم نے ٹویٹ کیا کہ میں انتہائی احترام سے کہنا چاہتی ہوں کہ میں آپ سے متفق نہیں ہوں  لہذا مجھے اس سے نہ جوڑیں جب کہ دوسری ٹوئٹ میں ان کہنا تھا کہ حجاب میں بھی خواتین خوبصورت اور آزاد ہیں اور پینٹنگ میں جو کہانی پیش کی گئی ہے مجھ سے مطابقت نہیں رکھتی تاہم ننھی اداکارہ کے ٹوئٹ کے فوراً ہی وزیر کھیل نے اپنی صفائی میں ایک اور ٹوئٹ  کرتے ہوئے کہا کہ میری بات کا غلط مطلب نکالا گیا ہے۔

@VijayGoelBJP Sir, with all respect to you, I feel I must disagree. I request you not to connect me to such a discourteous depiction. (1/3) https://t.co/BIgWVstqZh

— Zaira Wasim (@zairawasim) January 20, 2017

@VijayGoelBJP Women in hijab are beautiful and free (2/3)

— Zaira Wasim (@zairawasim) January 20, 2017

دوسری جانب ننھی اداکارہ کے ٹوئٹس کے بعد بھارت میں ایک نئی بحث چھڑ گئی ہے  جب کہ زائرہ وسیم کے جواب کو سراہتے ہوئے بھارتی وزیر کھیل کو تنقید کا نشانہ بنایا جارہا ہے۔

@VijayGoelBJP Moreover, the story depicted through this painting is not even remotely relevant to mine. (3/3)

— Zaira Wasim (@zairawasim) January 20, 2017

واضح رہے کہ  گزشتہ دنوں اداکارہ زائرہ وسیم نے مقبوضہ وادی کی کٹھ پتلی وزیراعلیٰ محبوبہ مفتی سے ملاقات کی تھیں جس کے باعث کشمیری نوجوانوں نے انہیں شدید تنقید کا نشانہ بنایا تھا تاہم اداکارہ نے کٹھ پتلی وزیراعلیٰ سے ملاقات کرنے پر معافی بھی مانگی تھی۔