کنگنا نے اپنے یوگا گرو کو تحفے میں ’’2 کروڑ‘‘ کا گھر دے دیا

کنگنا نے ڈیزائنر کو گھرکی بہترین انداز میں تزئین و آرائش کی بھی ہدایت کی ہے۔ فوٹو: فائل

---

بالی ووڈ میں محض خانز ہی تحفے دینے اور ضرورت مندوں کی مدد کے حوالے سے سخی نہیں بلکہ بالی ووڈ کی کوئین کنگنا بھی بہت سخی دل کی مالک ہیں جنہوں نے کچھ عرصے قبل اپنی بہن کو ان کی شادی کے موقع پر مہنگا گھر تحفے میں دیا تھا جب کہ اب اداکارہ نے اپنے یوگا کے استاد کو تحفے میں 2 کروڑ کا گھر دے دیا ہے۔

بھارتی میڈیا رپورٹس کے مطابق بالی ووڈ اداکارہ کنگنا رناوت نے اپنے یوگا کے استاد سوریہ نارائن سنگھ کو محض تحفے کے طور پر ممبئی کے علاقے اندھیری میں 2 کروڑ روپے کا گھر دے دیا ہے۔ سوریہ نے اداکارہ کو یوگا کی تربیت دی تھی جب انہوں نے بالی ووڈ میں اپنے کرئیر کا آغاز کیا تھا اور وہ اب بھی یوگا کی تربیت ان ہی سے لیتی ہیں۔

اس خبرکو بھی پڑھیں: 2017 میں شادی کرلوں گی

سوریہ نارائن کے پاس یوگا کی تربیت کے لیے کوئی خاص جگہ نہیں تھی، اس لیے وہ ساحل سمندر پر لوگوں کو یوگا سکھاتے ہیں۔ کنگنا نے اپنے استاد کو یہ گھر اس لیے بھی دیا ہے تاکہ انہیں اپنا کام جاری رکھنے کے لیے معقول جگہ مل سکے۔ سوریہ نارائن نے کبھی بھی کنگنا سے کوئی معاوضہ نہیں لیا، اس لیے وہ چاہتی تھیں کہ وہ اپنے استاد کے لیے ایسا کچھ نا کچھ ضرور کریں جس سے ان کی معقول مدد ہوسکے۔

اس خبرکو بھی پڑھیں: ہالی ووڈ میں کام کرنا بے وقوفی

کنگنا نے صرف اپنے یوگا گرو ہی کی مدد نہیں کی بلکہ وہ کچھ عرصہ قبل اپنی بہن کو شادی کے موقع پر ممبئی میں ہی کروڑوں روپے مالیت کا ایک گھر تحفے میں بھی دے چکی ہے۔