منیشا کی سنجے دت کی ماں کے کردارسے فلم نگری میں واپسی

منیشا نے کینسر کا عارضہ لاحق ہونے کے بعد فلم نگری سے کنارہ کشی اختیار کرلی تھی، فوٹو؛ فائل

---

کینسر جیسے موذی مرض سے جنگ جیتنے والی بالی ووڈ اداکارہ منیشا کوائرالا طویل عرصے بعد سنجے دت کی زندگی پر بننے والی فلم سے بالی ووڈ میں واپسی کریں گی۔

بالی ووڈ اداکارہ منیشا کوئرالا نے کینسر کاعارضہ لاحق ہونے کے بعد فلم نگری سے کنارہ کشی اختیار کرلی تھی لیکن اب کینسر سے جنگ جیتنے کے بعد انہوں نے فلم نگری میں واپسی کا فیصلہ کرلیا ہے۔

اس خبر کو بھی پڑھیں: کینسر کے نام سے بھی خوف آنے لگا ہے، منیشا کوئرالہ

بھارتی میڈیا رپورٹس کے مطابق معروف ہدایتکار راج کمار ہیرانی نے سنجے دت کی زندگی پر بننے والی فلم میں منیشا کوئرالا کو کاسٹ کرلیا ہے جس میں منیشا سنجے دت کی والدہ لیجنڈری اداکارہ نرگس کا کردار نبھاتی نظر آئیں گی جب کہ فلم میں رنبیر کپور مرکزی کردار ادا کریں گے اور جلد ہی فلم کی شوٹنگ کا آغاز کیا جائے گا۔

اس خبر کو بھی پڑھیں: بڑھتی عمر اور بیماری نے اداکارہ منیشا کی شخصیت بدل دی

واضح رہے کہ منیشا کوئرالا نے 1991 میں دلیپ کمارکی فلم ''سوداگر'' سے فلمی کیرئیر کا آغاز کیا تھا۔