غیرملکی کھلاڑی پی ایس ایل فائنل کھیلنے پر رضامند ہوگئے،نجم سیٹھی

شارجہ: چیئرمین پاکستان سپر لیگ نجم سیٹھی نے کہا ہے کہ غیرملکی کھلاڑی پی ایس ایل فائنل کھیلنے پر رضامند ہو گئے ہیں۔

سماجی رابطے کی ویب سائٹ ٹوئٹر پر نجم سیٹھی نے کہا کہ  فائنل کھیلنے والی ہر ٹیم میں 4,4 غیرملکی کھلاڑی شامل ہوں گے۔ فائنل کیلیے لاہور آنے پر رضامند غیرملکی پلیئرز کا انتخاب پلاٹینیم، ڈائمنڈ اور گولڈ کیٹگریز میں سے کیا جائے گا۔ نجم سیٹھی نے کہا کہ یقین دلاتا ہوں کہ دونوں فائنلسٹ ٹیموں کی طرف سے غیرملکی پلیئرز ضرور کھیلیں گے۔

اس خبر کو بھی پڑھیں :سابق مس کردستان بھی پی ایس ایل فائنل دیکھنے کیلیے لاہور آئیں گی

I can confirm that each Finalist team will field Four foreign players from pool of platinum, diamond and gold players who have agreed.

— Najam Sethi (@najamsethi) March 1, 2017

واضح رہے کہ نجم سیٹھی کل شارجہ روانہ ہوئے تھے تاکہ وہ غیرملکی پلیئرز سے بات چیت کرکے ان کو لاہور میں فائنل کھیلنے کیلیے آمادہ کر سکیں۔