طالبات اوراسپیشل افراد کیلئے پی ایس ایل فائنل کے فری ٹکٹس

 لاہور: پاکستان سپر لیگ کے چیرمین نجم سیٹھی نے پشاور زلمی اور کوئٹہ گلیڈی ایٹرز کی ٹیموں کے درمیان آج ہونے والے فائنل کے لئے طالبات اور اسپیشل افراد کو 1500 فری ٹکٹس دینے کا اعلان کیا ہے۔

نجم سیٹھی نے سوشل میڈیا پر اپنے ٹویٹ میں کہا کہ پی ایس ایل فائنل کے لئے طالبات کو ایک ہزار فری ٹکٹس فراہم کئے جائیں گے۔ جو طالبات فائنل دیکھنے کی خواہشمند ہوں وہ اپنا اوریجنل شناختی کارڈ لے کر دوپہر دو بجے تک پی سی ہوٹل کے زیور ہال پہنچ جائیں۔

1000 FREE TICKETS (@Rs8000) for FEMALE students only. First come First served. Bring Student ID. Zaver Hall, PC Hotel, Lahore. 9am-2pm.

— Najam Sethi (@najamsethi) March 4, 2017

چیرمین پی ایس ایل نے اسپیشل افراد کو بھی 8000 والے 500 فری ٹکٹ دینے کا اعلان کرتے ہوئے انہیں بھی اپنے اصل شناختی کارڈز کے ساتھ پی سی ہوٹل پہنچنے کا کہا۔

500 FREE TICKETS (@Rs8000) for DISABLED only. First come First served. Bring ID. Zaver Hall, PC Hotel, Lahore. 9am-2pm.

— Najam Sethi (@najamsethi) March 4, 2017

اس کے علاوہ نجم سیٹھی کا کہنا تھا کہ جن لوگوں کے پاس پی ایس ایل فائنل کے ٹکٹس ہیں وہ شام ساڑھے 5 بجے سے پہلے گراؤنڈ پہنچ جائیں کیونکہ مقررہ وقت پر گراؤنڈ کے تمام دروازے بند کر دیئے جائیں گے۔

Gaddafi Stadium Entry Gates will strictly close at 5.45 pm. Ticket holders should leave for Stadium with cnic as early as possible.

— Najam Sethi (@najamsethi) March 4, 2017