سنجے دت ’’گول مال 4‘‘ کی ٹیم سے ملنے سیٹ پر پہنچ گئے

ممبئی: بالی ووڈ کے سنجو بابا اپنے دوست اجے دیوگن سمیت فلم کی ٹیم سے ملنے ’’گول مال ریٹرنز‘‘ کے سیٹ پر پہنچ گئے جس کے بعد فلم کے چوتھے سیکوئل میں سنجے دت کی شمولیت سے متعلق بھی قیاس آرائیاں کی جارہی ہیں۔

بھارتی میڈیا رپورٹس کے مطابق بالی ووڈ کے معروف مشہور ہدایت کار روہت شیٹھی کامیڈی فلم ’’گول مال‘‘ کے چوتھے سیکوئل کی شوٹنگ میں مصروف ہیں جس میں اداکارہ تبو اور پرینتی چوپڑا کی صورت میں 2 نئے لوگ سیکوئل کا حصہ ہیں تاہم آج فلم کے پروڈیسر اور مرکزی کردار ادا کرنے والے اداکار اجے دیوگن نے اپنے سوشل میڈیا پر ایک تصویر شیئر کی جس میں سنجے دت بھی فلم کی کاسٹ کے ساتھ دکھائی دیئے۔

The original rockstar @duttsanjay pic.twitter.com/fbyzVdD2jx

— Ajay Devgn (@ajaydevgn) March 31, 2017

سنجو بابا کی آج ’’گول مال ریٹرنز‘‘ کے سیٹ پر موجودگی کے بعد قیاس آرائیاں کی جارہی ہیں کہ سنجے دت بھی فلم میں مختصر رول میں دکھائیں دیں گے جب کہ اس حوالے سے ہدایت کار کی جانب سے بھی کوئی تصدیق یا تردید نہیں کی گئی ہے تاہم یہ فلم کی ریلیز کے بعد ہی پتہ چلے گا کہ وہ اپنے دوست اجے دیوگن سے ملنے گئے تھے یا پھر فلم کا حصہ ہیں۔

اس خبر کو بھی پڑھیں؛ تبوکی 17سال بعد کامیڈی فلم ’’گول مال4‘‘میں انٹری

واضح رہے ہدایت کار روہت شیٹھی کی جانب سے بنائی جانے والے فلم کے دونوں سیکوئل ’’گول مال ریٹرنز‘‘ اور’’گول مال تھری‘‘ نے زبردست بزنس کیا تھا۔