جرمن فٹبال ٹیم پر حملے کا محرک دہشت گردی نہیں ’لالچ‘ تھا،پولیس

اسپورٹس ڈیسک  جمعـء 21 اپريل 2017
پولیس کمانڈوز نے جمعے کو روسی نژاد 28 سالہ جرمن باشندے سرگیج ڈبلیوکو حراست میں لیا . فوٹو : فائل

پولیس کمانڈوز نے جمعے کو روسی نژاد 28 سالہ جرمن باشندے سرگیج ڈبلیوکو حراست میں لیا . فوٹو : فائل

برلن: جرمن پولیس نے کہا ہے کہ گزشتہ دنوں بورسیا ڈورٹمنڈ کی فٹبال ٹیم کی بس پر ہونے والے حملے کا محرک دہشت گردی کے بجائے’لا لچ‘ تھا۔

پولیس کمانڈوز نے جمعے کو روسی نژاد 28 سالہ جرمن باشندے سرگیج ڈبلیوکو حراست میں لیا ہے، پراسیکیوٹرزکا کہنا ہے کہ اسے حملے کی وجہ سے فٹبال ٹیم کے شیئرزمیں آنے والے اتارچڑھاؤ سے مالی فائدہ اٹھانے کی امید تھی جب کہ مشتبہ شخص کی گرفتاری اسٹٹ گارٹ کے جنوب مشرق میں واقع ٹیوبیگن سے عمل میں آئی۔

اس خبر کو بھی پڑھیں :جرمنی میں فٹبال ٹیم کی بس کے قریب 3 دھماکے

حکام نے مشتبہ شخص پر الزام لگاتے ہوئے کہا ہے کہ اس نے فٹبال ٹیم بس پر حملہ کیا تھا اور اس پر اقدام قتل کا الزام ہے جب کہ 3 مشتبہ افراد کیخلاف حکام کو کوئی ٹھوس شواہد نہیں ملے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔