مصر پولیس اسٹیشن پرمسلح افراد کا دھاوا 46 افراد زخمی

سگریٹ اسمگلروں کے رشتے داروں نے اسلحے سے لیس ہوکر حملہ کردیا، پولیس ترجمان. فوٹو: رائٹرز

---

مصر کے مغربی شہر مرسیٰ متروح میں پولیس اور اسمگلروں کے رشتہ داروں کے درمیان جھڑپوں میں46 افراد زخمی ہوگئے۔

پولیس ترجمان نے ذرائع ابلاغ کو بتایا کہ واقعہ مغربی شہر موسیٰ متروح میں پیش آیا جہاں غیر ملکی سگریٹ ملک میں بیچنے پر عدالت سے6 ماہ کی قید کی سزا پانے والے اسمگلروں کے درجنوں رشتے داروں نے اسلحے، بندوقوں اور چاقوئوں سے مسلح ہوکر اس پولیس سٹیشن پر حملہ کردیا جہاں پر ملزمان قید تھے اور ان کی جیل قید کیلیے کاغذی کارروائی پر عملدرآمد جاری تھا۔



وزارت صحت کے ترجمان احمد عمر نے صحافیوں کو بتایا کہ قیدیوں کو چھڑانے کیلیے دھاوا بولنے والے درجنوں افراد کی پولیس سے شدید جھڑپیں ہوئیں جسکے باعث 46 افراد زخمی ہوگئے ہیں جنھیں اسپتال منتقل کردیا گیا۔