سرفراز احمد، اصل زندگی میں بھی ہیرو

 کراچی: چیمپئنز ٹرافی کے فاتح پاکستانی کپتان سرفراز احمد صرف میدان میں ہی نہیں اصل زندگی میں بھی ہیرو ہیں، وہ اپنے مداحوں کو اپنا قیمتی سرمایہ سمجھتے ہیں اور انہیں کبھی بھی مایوس نہیں کرتے۔

فاتح کپتان جب سے واپس آئے ہیں ان کے گھر کے باہر مداحوں کا تانتا بندھا ہوا ہے، کپتان اپنے آرام کی پروا کیے بغیر وقفے وقفے سے کبھی باہر اور کبھی گھر کی بالکونی میں آ کر ان کی حوصلہ افزائی کر رہے ہیں۔

Sarfraz Ahmed giving his shirt to a fan #Cricket pic.twitter.com/RpMdHi7aaf

— Saj Sadiq (@Saj_PakPassion) June 21, 2017

آج صبح سویرے ابھی اندھیرا ہی تھا کہ ان کا ایک خصوصی مداح فواد وہیل چیئر پر ان سے ملنے گھر کے باہر پہنچ گیا، سرفراز کو جب معلوم ہوا تو خود باہر ملنے کیلیے آئے اور انہیں اپنی شرٹ تحفے میں دی، جس پر فواد کے اہلخانہ نے سرفراز کو خوب دعائیں دیں اور ان کی مزید کامیابیوں کیلیے بھی دعا کی۔