اسحق ڈار کے پاس کسی دوسرے ملک کی شہریت نہیں ترجمان

اسحٰق ڈار نے اپنی پیشہ ورانہ مشاورتی خدمات سر انجام دینے کیلیے آفیشل اقامہ حاصل کیا تھا، ترجمان۔ فوٹو: فائل

---

وفاقی وزیر خزانہ اسحق ڈار کے ترجمان نے کہا ہے کہ وفاقی وزیر کے پاس پاکستان کے علاوہ کسی دوسرے ملک کا اقامہ، رہائشی پرمٹ یا شہریت نہیں ہے۔

وزارت خزانہ کی جانب سے گزشتہ روز کو وضاحتی بیان جاری کیا گیا ہے، جس میں کہا گیا ہے کہ اسحٰق ڈار2002 سے 2008 تک متحدہ عرب امارات میں پییشہ ورانہ طور پر فنانشل ایڈوائزر رہے ہیں اور یہ اس عرصے کیلیے الیکشن کمیشن و ٹیکس گوشواروں میں ظاہر بھی کیا گیا، اسحٰق ڈار نے اپنی پیشہ ورانہ مشاورتی خدمات سر انجام دینے کیلیے آفیشل اقامہ حاصل کیا تھا تاہم31 مارچ 2008 کو وفاقی کابینہ میں شمولیت سے قبل انھوں نے اس عہدے سے استعفیٰ دے دیا تھا، اس طرح اقامہ کی مقررہ مدت ختم ہو گئی تھی۔