ہالی ووڈ اداکارہ سلمہ ہائیک بھی ’’ٹوائلٹ‘‘ کی حمایت میں بول پڑیں

 ممبئی: ہالی ووڈ اداکارہ سلمہ ہائیک بھی بالی ووڈ کھلاڑی اکشے کمار کی نئی فلم ’’ٹوائلٹ: ایک پریم کتھا‘‘ کی حمایت کے لئے میدان میں آ گئیں۔

خوبرو اداکارہ سلمہ ہائیک نے اکشے کمار کی فلم ٹوائلٹ کے حوالے سے نیک خواہشات کا اظہار کیا۔ سماجی رابطوں کی ویب سائٹ ٹوئیٹر پر اپنے پیغام میں سلمہ ہائیک نے کہا کہ وہ فلم کی کامیابی کے لیے دعاگو ہیں اور اکشے کمار کے لیے نیک خواہشات کا اظہار کرتی ہیں۔ سلمہ ہائیک نے مزید کہا کہ ٹوائلٹ ایک بنیادی ضرورت ہے اور کسی بھی خاتون کو اس کے استعمال میں خوف کا شکار نہیں ہونا چاہیئے۔

Good luck to @akshaykumar on @ToiletTheFilm out today! End #OpenDefecation now! No woman should fear going to the toilet! #ToiletEkPremKatha

— Salma Hayek (@salmahayek) August 12, 2017

اکشے کمار نے بھی سلمہ ہائیک کی نیک خواہشات کا جواب دیتے ہوئے کہا کہ وہ اپنی چھوٹی سی کاوش کو سراہنے پر ہالی ووڈ اداکارہ کے مشکور ہیں۔

https://twitter.com/akshaykumar/status/896216914464198657

خیال رہے کہ اکشے کمار کی فلم ٹوائلٹ بھارت میں بیت الخلاؤں کی قلت کے موضوع پر بنائی گئی ہے۔ بھارت میں کروڑوں لوگ اس بنیادی سہولت سے محروم ہیں جس کے باعث خواتین رفع حاجت کے لیے باہر جانے پر مجبور ہیں اور اس کی وجہ سے خواتین سے زیادتی کے واقعات بھی پیش آتے رہتے ہیں۔