پولیس اہلکاروں کے قاتل سمیت 27ملزمان گرفتار 9مفرور بھی شامل

شہر کے مختلف علاقوں میں کارروائیاں،اسلحہ، نقدی ، موبائل فون اور مسروقہ سامان برآمد، منشیات فروشی میں ملوث8ملزمان بھی پکڑے گئے۔ فوٹو: فائل

---

KARACHI: پولیس نے مختلف علاقوں سے پولیس اہلکاروں کے قاتل سمیت 27 ملزمان کو گرفتار کرکے کلاشنکوف سمیت دیگر اسلحہ، نقدی ، موبائل فون اور مسروقہ سامان برآمد کرلیا۔

گرفتار ملزمان میں 9 مفرور ملزمان بھی شامل ہیں ۔ تفصیلات کے مطابق سہراب گوٹھ پولیس نے خفیہ اطلاع ملنے پر اسکیم 33 وزیر گوٹھ میں چھاپہ مار کر انتہائی مطلوب ملزم عزیز اﷲ عرف سواتی ولد بخت بدیر کو گرفتار کر کے 3 کلو چرس برآمد کرلی ، پولیس کے مطابق ملزم 2 پولیس اہلکاروں کامران اور اصغر کے قتل میں ملوث ہے جس کا مقدمہ نمبر 698/12 سچل تھانے میں درج ہے۔



پولیس کا کہنا ہے کہ ملزم 30 سے زائد وارداتوں میں مطلوب ہے، ایس ایس پی کلفٹن ناصر آفتاب کی ہدایت پر بوٹ بیسن پولیس نے مختلف چھاپہ مار کارروائیوں میں 7 ملزمان عبداﷲ ، ولید خان ، نور میاں ، طارق ، فرحان ، اورنگزیب اور افتخار عرف خاور کو گرفتار کر کے 4 کلاشنکوف ، 4 ٹی ٹی پستول ، وارداتوں میں لوٹی ہوئی نقدی ، موبائل فون اور دیگر سامان برآمد کرلیا ۔