امریکاافغانستان میں اپنی ناکام پالیسی کی ذمہ داری پاکستان پر ڈال رہا ہے عمران خان

الزام تراشی کی نئی قسط سے پاکستان کو ناقابل فراموش سبق حاصل کرنا چاہیے، عمران خان۔ فوٹو : فائل

---

چیرمین تحریک انصاف عمران خان کا کہنا ہے کہ امریکی الزام پاکستانی حکومت کی لیے ایک سبق ہے کہ کبھی ڈالروں کے لیے پرائی جنگ کو اپنے آنگن تک نہیں لانا چاہیے۔

امریکی صدر ڈونلڈ ٹرمپ کی جانب سے پاکستان کے خلاف الزام تراشی پر چیرمین تحریک انصاف عمران خان نے سخت ردعمل کا اظہار کرتے ہوئے کہا کہ یہ پاکستانی حکومت کی لیے ایک سبق ہے کبھی ڈالروں کے لیے دوسروں کی جنگیں نہیں لڑنی چاہیے، الزام تراشی کی نئی قسط سے پاکستان کو ناقابل فراموش سبق حاصل کرنا چاہیے اور پاکستان کو سیکھ لینا چاہیے کہ ڈالروں کے عوض پرائی جنگ کو کبھی اپنے آنگن تک نہیں لانا چاہیے۔

Just as India blames Pak for the indigenous Kashmiri uprisings when these are a result of its own failed policy of mly repression in IOK

— Imran Khan (@ImranKhanPTI) August 22, 2017

اس خبر کو بھی پڑھیں : پاکستان افراتفری پھیلانے والے افراد کو پناہ دیتا ہے، امریکی صدر کا الزام

So the US again blames Pak for its deeply flawed & failed Afghan policy stretching over a decade https://t.co/sGikXZb0ay

— Imran Khan (@ImranKhanPTI) August 22, 2017

عمران خان نے کہا کہ کشمیر میں سراٹھاتی مزاحمت خود بھارت کی ناکام عسکری حکمت عملی کا نتیجہ ہے لیکن بھارت کشمیر میں اپنی ناکامی کا ذمہ دار پاکستان کو ٹھہراتا ہے، اسی طرح امریکا بھی ناکامیوں کا بوجھ پاکستان پر ڈالنے کی کوششیں کررہا ہے، دہائیوں سے نافذ ناکام افغان پالیسی حقیقت میں امریکی مایوسی کا سبب ہے۔

We fought 2 wars in Afghanistan at the US behest paying heavy human and economic costs both times. We sacrificed 70000 Pak lives in US WOT https://t.co/la4x0M9nTW

— Imran Khan (@ImranKhanPTI) August 22, 2017

چیرمین تحریک انصاف نے کہا کہ ہم نے امریکا کی خواہش پر افغانستان میں 2 لڑائیاں لڑیں اور 70 ہزار لوگوں نے جانوں کا نظرانہ پیش کیا، امریکا کی دہشت گردی کے خلاف جنگ میں پاکستان کو نہ صرف 100ارب ڈالر کا نقصان ہوا بلکہ افغان جنگ کی وجہ سے پاکستانی معاشرہ بربادی تباہی کا شکار ہوا لہذا اب وقت ہے کہ پاکستان امریکا کو جواب دے کہ اور کہے کہ اب کبھی نہیں۔