جنوبی وزیرستان میں فورسزکے آپریشن کے دوران دھماکے میں 2 اہلکارشہید

 راولپنڈی: جنوبی وزیرستان میں فورسزکے سرچ آپریشن کے دوران بارودی سرنگ کا دھماکا ہوگیا جس کے نتیجے 2 جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز جنوبی وزیرستان میں انگور اڈا کے قریب سرچ آپریشن کررہی تھی کہ اس دوران بارودی سرنگ کا دھماکا ہوگیا جس کے نتیجے میں 2 جوان شہید ہوگئے۔

آئی ایس پی آر کا کہنا ہے کہ بارودی سرنگ کا دھماکا آپریشن رد الفساد کے تحت سرچ آپریشن کے دوران ہوا جس میں سپاہی عطاء الرحمن اور سپاہی عمران علی نے جام شہادت نوش کیا۔