عامرخان کی’’سیکریٹ سپراسٹار‘‘ توقع کےمطابق بزنس کرنےمیں ناکام

ممبئی: نامور بالی ووڈ اداکار عامر خان اور زائرہ وسیم کی فلم’’سیکریٹ سپراسٹار‘‘ توقع کے خلاف شائقین کی زیادہ تعداد کو متاثر نہ کرسکی اورریلیز کے پہلے روز صرف 4 کروڑ 80 لاکھ کا بزنس کرنے میں کامیاب ہوسکی ہے۔

فلم’’دنگل‘‘کی کامیابی کے بعد بالی ووڈ کے مسٹر پرفیکشنسٹ عامر خان کی اگلی فلم’’سیکریٹ سپر اسٹار‘‘کا انتظار شائقین بے چینی سے کررہے تھے۔عامر خان بھی اپنی فلم کو لے کر بہت پرجوش تھےاور فلم کی تشہیر کے لئے ترکی کا دورہ بھی کرچکے تھے۔گزشتہ روز لوگوں کا انتظار ختم ہوا اور عامر کی ’’سیکریٹ سپر اسٹار‘‘ بھارت سمیت دنیا بھر میں ریلیز کردی گئی۔

فلم کی ریلیز سے قبل امید کی جارہی تھی کہ عامر خان کی یہ فلم بھی ’’دنگل‘‘کی طرح کامیابی کے جھنڈے گاڑ ے گی اور تمام فلموں کو پیچھے چھوڑتے ہوئے غیر معمولی بزنس کرے گی لیکن ہوا اس کے برعکس۔ بھارتی تجزیہ نگاروں نے پیش گوئی کرتے ہوئے کہا تھا کہ فلم ریلیز کے پہلے روز 15 کروڑ کے لگ بھگ بزنس کرے گی تاہم فلم 10 کروڑ کا ہندسہ بھی عبور نہ کرسکی اور صرف 4 کروڑ 80 لاکھ ہی کماسکی۔

#SecretSuperstar Thu ₹ 4.80 cr. India biz… Biz should grow today [Fri].

— taran adarsh (@taran_adarsh) October 20, 2017

فلم کی کہانی ایک مسلمان نوجوان لڑکی انسیا(زائرہ وسیم) کے گرد گھومتی ہے جو گلوکارہ بننا چاہتی ہے لیکن والد کی جانب سے لگائی جانے والی پابندیاں اس کے خوابوں کے بیچ میں آجاتی ہیں۔ تاہم زائرہ اپنے خوابوں سے دستبردار نہیں ہوتی اور اسے یقین ہوتا ہے کہ ایک دن وہ گلوکارہ ضرور بنے گی۔ اپنےخوابوں کو پایہ تکمیل تک پہنچانے کے لیے زائرہ برقع پہن کر اپنے گانے کی ویڈیوز سوشل میڈیا پر اپ لوڈ کردیتی ہے جس کی وجہ سے ہر جانب اس کی دھوم مچ جاتی ہے۔

فلم میں عامر خان ایک موسیقار کا کردار نبھارہے ہیں جو کافی چلبلا اور فلرٹ ہے، عامر خان بہت عرصے بعد غیر سنجیدہ قسم کا کردار نبھارہے جو شائقین کو بے حد پسند آئے گا۔ ہدایت کار ادویت چندن کی فلم ’’سیکریٹ سپراسٹار‘‘کو عامر خان، ان کی اہلیہ کرن راؤ، آکاش چاؤلہ، سوجے اور بی شرینیواس راؤ  نے مشترکہ طور پر پروڈیوس کیا ہے۔ جب کہ فلم کی موسیقی امیت تریویدی نے دی ہے۔

بھارتی تجزیہ نگار ترن آدرش نےٹوئٹ کرتے ہوئے کہا ہے کہ ’’سیکریٹ سپر اسٹار‘‘کو بھارت میں 1750 اور بیرون ملک 1090 یعنی مجموعی طور پر 2840 اسکرینز پر نمائش کے لیے پیش کیا گیا ہے۔ تاہم فلم دیوالی کے دن شائقین کی زیادہ تعداد کو متاثر نہ کرسکی اور توقع کے خلاف ریلیز کے پہلے روز فلم نے کم بزنس کیا ہے جیسا کہ 2007 میں فلم ’’تارے زمین پر‘‘نے کیا تھا تاہم بعد میں فلم اچھا بزنس کرنے میں کامیاب ہوگئی تھی۔

Although biz is generally low on Diwali day, Aamir’s decision to release #SecretSuperstar on Diwali day itself did raise eyebrows…

— taran adarsh (@taran_adarsh) October 19, 2017

Expectedly, #SecretSuperstar has started slow… Exactly like #TaareZameenPar [2007]… But word of mouth is super-strong…

— taran adarsh (@taran_adarsh) October 19, 2017

#SecretSuperstar screen count…
India: 1750
Overseas: 1090
Worldwide total: 2840 screens

— taran adarsh (@taran_adarsh) October 20, 2017

دوسری جانب اجے دیوگن، ارشد وارثی، تشار کپور، تبو اور پرینیتی چوپڑا کی آج ریلیز ہونے والی کامیڈی فلم ’’گول مال اگین‘‘کو شائقین کی جانب سے بہت زیادہ پسند کیا جارہا ہے۔ بھارتی تجزیہ نگار ترن آدرش نے ٹوئٹ کرتے ہوئے کہا ہے کہ ’’گوم مال اگین‘‘کو بھارت میں 3500 اسکرینزاوردنیا بھرمیں 732 اسکرینز پرریلیز کیا گیا ہے۔ بھارت میں فلم کے تقریباً تمام شوز ہاؤس فل جارہے ہیں اور لوگوں کی جانب سے بہت اچھا ردعمل محسوس ہورہا ہے۔

https://twitter.com/taran_adarsh/status/921262766748340224

#GolmaalAgain screen count…
India: 3500+
Overseas: 732 – widest release ever for #Golmaal franchise
Worldwide total: 4232+ screens

— taran adarsh (@taran_adarsh) October 20, 2017

فلم ڈسٹری بیوٹر اکشے راٹھی نے فلم کے بزنس سے متعلق پیش گوئی کرتے ہوئے کہا ہے کہ فلم کو بالکل صحیح موقع پر ریلیز کیا گیا ہے، روہت شیٹھی کی کاوش کو لوگوں کی جانب سے بے حد پزیرائی مل رہی ہے، یہ فلم ایک ہفتے میں باآسانی 75 کروڑ کا بزنس کرلے گی۔