رینجرز کی کورنگی میں کارروائیاں 16 افراد زیر حراست

رینجرزکے ٹارگٹڈآپریشن کے دوران برآمد ہونے والا اسلحہ صحافیوں کو دکھایاجارہا ہے۔ فوٹو: ایکسپریس

---

رینجرز نے کورنگی کے مختلف علاقوں میں چھاپہ مار کارروائیوں کے دوران 16 افراد کو حراست میں لے کر بڑی تعداد میں اسلحہ برآمد کرلیا۔

رینجرز ترجمان کے مطابق رینجرز نے گذشتہ روز کورنگی کے علاقوں عوامی کالونی اور بلال کالونی میں ٹاگٹڈ کارروائیاں کرتے ہوئے 16 افراد کو حراست میں لے لیا۔

ترجمان نے مزید بتایا کہ حراست میں لیے گئے افراد کے قبضے سے 62 مختلف اقسام کا اسلحہ برآمد کرلیا گیا ہے ، برآمد کیے گئے اسلحے میں کلاشنکوف ، رائفلیں ، پستول اور سیکڑوں کی تعداد میں کارتوس و گولیاں شامل ہیں ، حراست میں لیے گئے افراد سے تفتیش جاری ہے۔