عراق بم دھماکوں اور فائرنگ کے واقعات میں 13 افراد ہلاک 35 زخمی

کرکوک میں 2 بم دھماکوں سے پولیس کو نشانہ بنایا گیا جس میں 5 افراد ہلاک،18 زخمی ہوگئے، بعقوبہ، تاجی اور سعدیہ میں بھی ہلاکتیں ہوئیں. فوٹو: اے ایف پی

---

عراق میں بم دھماکوں اور فائرنگ کے نتیجے میں 13 افراد ہلاک اور 35 زخمی ہوگئے۔

ذرائع ابلاغ کے مطابق شورش زدہ شہر کرکوک میں 2 کار بم دھماکوں سے پولیس کو نشانہ بنایا گیا جس میں 5 افراد ہلاک اور 18 زخمی ہوگئے، دریں اثناء کوکوک کے جنوبی علاقے میں نامعلوم مسلح افراد نے فائرنگ کرکے ٹائون کونسل کے ممبر اور ایک آئل کمپنی کے اہلکار کو ہلاک کر دیا گیا۔



بعقوبہ شہر میں ایک فٹبال گرائونڈ کے قریب بم دھماکے میں 3 افراد ہلاک اور 17 زخمی ہوگئے، تاجی شہر میں نامعلوم مسلح افراد نے فائرنگ کرکے مزید 2 افراد کو ہلاک کردیا، جنوبی بغداد کے شہر سعدیہ میں نامعلوم افراد کی فائرنگ سے وزارت زراعت کا ایک اہلکار ہلاک ہوگیا۔