صدر اوباما کی مخالفت میں سینیٹر پال کی13گھنٹے طویل تقریر

سینیٹ کی اکثریتی پارٹی ڈیموکریٹک کے لیڈر نے اس حربے کا توڑ کرنے کی کوشش کی مگر پال نے خاموش ہونے سے انکار کردیا۔ فوٹو اے ایف پی

---

صدراوباما کے منتخب کردہ سی آئی اے کے سربراہ جان برینن اور امریکی سرزمین پر ڈرون حملوں کی پالیسی کے حوالے سے اپنے تحفظات ریکارڈ پر لانے کے لیے ری پبلکن سینیٹر رینڈپال نے تاریخی تاخیری حربہ استعمال کیا۔

یہ حربہ ان کی تقریباً 13 گھنٹے طویل تقریر تھی۔ تفصیلات کے مطابق وائٹ ہاؤس کی طرف سے جان برینن اور امریکی سرزمین پر ڈرون حملوں کی پالیسی میں کسی تبدیلی سے واضح انکار کے بعد سینیٹر پال نے امریکی پالیسی کے خلاف بدھ کی صبح 11بج کر 47 منٹ پر بولنا شروع کیا اور بلا توقف رات 12بج کر 39منٹ تک بولتے رہے۔ اس دوران سینیٹ کی کوئی دوسری کارروائی نہ ہوسکی۔ سینیٹ کی اکثریتی پارٹی ڈیموکریٹک کے لیڈر نے اس حربے کا توڑ کرنے کی کوشش کی مگر پال نے خاموش ہونے سے انکار کردیا۔