لوڈ شیڈنگ ختم نہیں ہوئی، شہباز شریف نام کب تبدیل کر رہے ہیں؟ شیخ رشید

اسلام آ باد: عوامی مسلم لیگ کے سربراہ شیخ رشید احمد نے کہا ہے کہ ریکارڈ توڑ مہنگائی اور ریکارڈ توڑ ڈھٹائی موجودہ حکومت کی پہچان بن چکے ہیں۔

سماجی رابطے کی ویب سائٹ ٹوئیٹر پر موجودہ حکومت پر تنقید کرتے ہوئے انھوں نے کہا کہ مہنگائی کے سارے ریکارڈ ٹوٹ چکے ہیں مگر حکومت نوجوانوں کو قرضے دینے میں لگی ہوئی ہے۔ شیخ رشید احمد نے کہا وزیراعلی پنجاب شہباز شریف کہتے تھے اگر 3 ماہ میں بجلی کی لوڈشیڈنگ نہ ختم کردوںتو میرا نام شہباز شریف نہیں، اب وہ بتائیں 7 ماہ گزر گئے ہیں مگر لوڈشیڈنگ تو ختم نہیں ہوئی، وہ اپنا نام کب تبدیل کر رہے ہیں؟۔