- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
18 کروڑعوام کا وزیراعظم 5 ہزار لوگوں کے کہنے پر استعفیٰ نہیں دے سکتا، نواز شریف
اٹک: وزیر اعظم نواز شریف نے کہا ہے کہ 18 کروڑعوام کا وزیراعظم 5 ہزار لوگوں کے کہنے پر استعفیٰ نہیں دے سکتا،راستے اور سڑکیں صاف کرنا مشکل کام نہیں لیکن حکومت تحمل سے کام لے رہی ہے۔
اٹک میں سگری آئل فیلڈ کی افتتاحی تقریب سے خطاب کے دوران وزیر اعظم نواز شریف نے کہا کہ تیل اور گیس ملک کی ضرورت ہے جس کی درآمد پر ہمارا اربوں ڈالر کا زرمبادلہ خرچ ہوتا ہے۔ حکومت نے ایسے منصوبے بنائے ہیں جس کی تکمیل پر آئندہ 3 سے 4 برسوں میں بجلی کی قلت ختم ہوجائے گی۔ بجلی کے منصوبوں سمیت کئی معاہدوں پر دستخط کے لئے چین کے صدر کو پاکستان کا دورہ کرنا تھا، جن پر دستخط کے بعد ملک میں بجلی کے منصوبوں پر تیزی سے کام شروع ہونا تھا کیونکہ اگر ملک میں غربت اور بے روزگاری کا خاتمہ کرنا ہے تو ہمیں بجلی کا بحران ختم کرنا ہوگا
وزیر اعظم نے کہا کہ ملک کے 18 کروڑ عوام پاکستان کو ترقی کے میدان میں آگے بڑھتے دیکھنا چاہتے ہیں لیکن چند لوگ ان کی ترقی اور خوشحالی کے راستے میں حائل ہیں، چین کے صدر کو پاکستان آنا تھا اس صورت میں دونوں جماعتوں کے سربراہوں کو چاہیئے تھا کہ وہ راستہ ہی صاف کردیتے لیکن انہوں نے ایسانہیں کیا۔ ہم نے آج تک بڑی شرافت، صبر، تحمل اور بردباری کا مظاہرہ کیا ہے ورنہ راستے اور سڑکیں صاف کرنا کوئی مشکل کام نہیں۔ انہیں سمجھ نہیں آتی کہ کس علاقے کے لوگ یہ سمجھتے ہیں کہ گزشتہ انتخابات میں دھاندلی ہوئی ہے۔ اگر کہیں دھاندلی ہوئی ہے تو ان سے پوچھا جائے جو اس کے ذمہ دار ہیں۔ انتخابات ہماری حکومت نے نہیں کرائے نہ ہی ہم نے نگراں حکومتیں قائم کی تھیں۔ انتخابات کے بعد سب نے انہیں مبارکباد دیتے ہوئے کہا کہ وہ تمام تر تحفظات کے باوجود انتخابی نتائج قبول کرتے ہیں۔
وزیر اعظم نواز شریف نے مزید کہا کہ 2008 کے انتخابات میں تمام تر تحفظات کے باوجود مسلم لیگ (ن) نے حصۃ لیا اور انتخابی نتائج کو قبول کیااور پیپلز پارٹی نے اپنے حکومت کے 5 سال مکمل کئے۔ مہذب ملکوں میں ایک حکومت اپنی آئینی مدت مکمل کرتی ہے جس کے بعد نئی حکومت آتی ہے لیکن ہمارے ملک میں ابھی حکومت کو ایک سال بھی نہیں گزرا کہ وزیر اعظم اور وزیر اعلیٰ پنجا کے استعفوں کے لئے لانگ مارچ شروع ہوگئے، اگر 18 کروڑعوام نے انہیں وزیراعظم بنایا تو کیا وہ 5 ہزار لوگوں کے کہنے پر استعفیٰ دے دیں؟، روز یہ لوگ نئے نئے جھوٹ بولتے ہیں۔ وہ اپنا کام کرتے رہیں گے لیکن ہم بھی ملک کی ترقی کے لئے آگے بڑھتے رہیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔