ویرات کوہلی کے رویئے پر بھارتی کرکٹ بورڈ کی وارننگ

نئی دہلی: بھارتی کرکٹ بورڈ نے صحافی جسوندر سدھو سے بدتمیزی کرنے پر ویرات کوہلی کو سخت وارننگ دیتے ہوئے آئندہ ایسے رویئے سے اجتناب برتنے کی ہدایت کی ہے۔

بھارتی میڈیا کے مطابق کرکٹ بورڈ نے صحافی جسوندر سدھو سے بدتمیزی پر بلے باز ویرات کو ہلی کو متنبہ کیا ہے کہ مستقبل میں ایسا رویہ اختیار نہ کیا جائے اور ٹیم کے وقار کو ہر وقت ملحوظ خاطر رکھا جائے۔

یا درہے کہ ویرات کوہلی نے بالی ووڈ اداکارہ انوشکا شرما کے خلاف کالم لکھنے پرسینئر صحافی  جسوندر سدھو کو مغلظات بکیں اور بد تمیزی کی تھی جب کہ وہ صحافی جسونددر نہیں تھے تاہم اس واقعے کےبعد مذکورہ صحافی نے کوہلی کی شکایت بی سی سی آئی اور آئی سی سی سے کی تھی۔