- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
ایبٹ آباد میں جعلی جرگے کے حکم پر نوعمر لڑکی کو زندہ جلا دیا گیا
ایبٹ آباد: ڈونگہ گلی میں پسند کی شادی کرنے والی سہیلی کی رازدان ہونے کے جرم میں جعلی جرگے کے حکم پر نوعمر لڑکی کو زندہ جلایا گیا۔
ایکسپریس نیوز کے مطابق جعلی جرگے کے حکم پر عنبرین نامی نوعمر لڑکی کو پسند کی شادی کرنے والی سہیلی کی رازدان ہونے کے جرم میں ایک ہفتے قبل زندہ جلایا گیا جب کہ پولیس نے لڑکی کی ماں اور جرگے کے سرغنہ ولیج کونسل کے چیئرمین پرویز سمیت دیگر 15 افراد کو گرفتارکرتے ہوئے مقدمہ درج کرلیا۔ ڈی پی او ایبٹ آباد خرم شہزاد کا کہنا ہے کہ 23 اپریل کو صائمہ نامی لڑکی کورٹ میرج کرنے کے بعد کراچی چلی گئی تھی جس کی معاونت اس کی سہیلی عنبرین نے کی اور جب صائمہ کے اہلخانہ کو اس کا علم ہوا تو انہوں نے چند اوباش نوجوانوں پر مشتمل جعلی جرگہ بٹھا کر لڑکی کو زندہ جلانے کا حکم دیا۔
ڈی پی او کا کہنا ہے کہ عنبرین نامی لڑکی کے ہاتھ پاؤں باندھ کراسے ڈاڈسن گاڑی کے پچھلے حصے میں موجود سلندڑ پربٹھایا گیا جس کے بعد اس پر پیٹرول چھڑکنے کے بعد آگ لگائی گئی تاکہ لڑکی جل کر سلنڈردھماکے سے مختلف حصوں میں تقسیم ہوجائے۔ ان کا کہنا تھا جرگے کا سرغنہ پرویز ویلج کونسل کا چیئرمین اورانتہائی بااثر شخص ہے جس نے عنبرین کی ماں کو ڈرایا کہ اگر اس نے لڑکی کو اس کے حوالے نہ کیا تو وہ اس کے گھر کو آگ لگا دے گا جس پر لڑکی کی ماں نے عنبرین کو اس کے حوالے کیا۔
ڈی پی او ایبٹ آباد کے مطابق عنبرین کی ماں سمیت 15 افراد کے خلاف مقدمہ درج کرلیا گیا ہے جس میں دہشت گردی کی دفعات بھی شامل کی گئی ہے جب کہ تمام ملزمان کو حراست میں لے لیا گیا ہے۔ متاثرہ لڑکی کی ماں کا کہنا ہے کہ پرویز انتہائی بااثر شخص نے جس نے گھر میں آکر دھمکی دی تھی کہ اگر اس نے عنبرین کو اس کے حوالے نہ کیا تو وہ اسے قتل کردے گا اور گھر کو آگ لگا دے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔