طیارہ حادثے میں سوگوارخاندانوں کے شانہ بشانہ کھڑے ہیں،آرمی چیف

راولپنڈی: آرمی چیف جنرل قمرجاوید باجوہ نے طیارہ حادثے پر گہرے دکھ اور افسوس کا اظہارکرتے ہوئے کہا ہے کہ مشکل کی گھڑی میں متاثرہ خاندانوں کے شانہ بشانہ کھڑے ہیں۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے طیارہ حادثے میں ہونے والی قیمتی جانوں کے ضیاع پر گہرے دکھ اور افسوس کا اظہار کیا ہے۔ آئی ایس پی آر کے مطابق آرمی چیف نے کہا ہے کہ مشکل کی اس گھڑی میں متاثرہ خاندانوں کے شانہ بشانہ کھڑے ہیں۔