خواتین اوربچوں کیلئے خدمات پرشاہ رخ خان کیلئے کرسٹل ایوارڈ

ممبئی: بالی ووڈ کنگ شاہ رخ خان کو 24 ویں کرسٹل ایوارڈ سے نوازدیا گیا یہ ایوارڈ انہیں خواتین اور بچوں کے حقوق کے لیےانجام دی جانے والی خدمات کے عوض دیا گیا ہے۔

بالی ووڈ کے بادشاہ شاہ رخ خان کو گزشتہ روز سوئزرلینڈ میں ورلڈ اکنامک فورم میں 24 ویں کرسٹل ایوارڈ سے نوازا گیا ہے یہ ایوارڈ انہیں بھارت میں خواتین اور بچوں کے حقوق کے لیے خدمات سرانجام دینے پر دیا گیا ہے۔ ایوارڈ لیتے وقت شاہ رخ خان نے عاجزی کا مظاہرہ کرتے ہوئےکہا کہ انہیں ایک چھوٹے سے کام کے لیے اتنا بڑا ایوارڈ لیتے ہوئے بہت خوشی محسوس ہورہی ہے۔

اس خبرکوبھی پڑھیں: کنگ خان نے ایک اور ایوارڈ اپنے نام کرلیا

بھارتی میڈیا کے مطابق سوئزرلینڈ میں ورلڈ اکنامک فورم کے تعاون سے ہر سال ایوارڈ کی تقریب منعقد کی جاتی ہے جس میں دنیا بھر میں سماجی خدمات انجام دینے والے افراد کو ایوارڈ سے نوازا جاتا ہے۔

ایوارڈ لیتےوقت شاہ رخ خان کا کہنا تھا کہ اس ایوارڈ کو حاصل کرنے کے بعد وہ اپنے کام کو مزید جوش کے ساتھ کریں گے۔

شاہ رخ خان بھارت سمیت دنیا بھر میں اپنی بہترین اداکاری کی وجہ سے شہرت تو رکھتے ہی ہیں، تاہم ان کی زندگی کے اس پہلو کے بارے میں بہت کم لوگ جانتے ہیں کہ  وہ خواتین اور بچوں کے حقوق کے لیے بھی سماجی طور پر بہت زیادہ سرگرم رہتے ہیں۔ کنگ خان غیر منافع بخش تنظیم ’’میرفاؤنڈیشن‘‘کے بانی ہیں یہ ادارہ تیزاب گردی کا شکار ہونے والی خواتین کو طبی سہولیات فراہم کرنے کے ساتھ ان کی قانونی مددکرتا ہے اس کے علاوہ ان کی پیشہ ورانہ تربیت کرکے ان کی بحالی اور روزگار حاصل کرنے میں بھی تعاون کرتا ہے۔

خواتین کی مدد کرنے کے علاوہ ’’میرفاؤنڈیشن‘‘ کا ادارہ کینسر میں مبتلا بچوں کو اسپتال میں مفت طبی سہولیات بھی فراہم کرتا ہے۔ اس موقعے پر شاہ رخ خان نے اپنی زندگی میں موجود خواتین کا شکریہ ادا کرتے ہوئے کہا ’’میں اپنی بہن، بیوی اور اپنی بیٹی کا شکریہ اداکرنا چاہتا ہوں جنہوں نے میری حوصلہ افزائی کی‘‘۔

“I want to thank my sister, my wife and my little daughter for bringing me up well and teaching me the value of requesting, sometimes imploring and begging a yes from a woman, instead of forcing it upon her.”

– SRK pic.twitter.com/kecFzdMVR2

— SRK Universe (@SRKUniverse) January 22, 2018

اس کے ساتھ ہی شاہ رخ خان نے ٹوئٹر پر سوئزر لینڈ میں گزارے گئے حسین لمحوں کو اپنے چاہنے والوں کے ساتھ شیئر کیا۔ ایک ٹوئٹ میں انہوں نے اپنے مشہور پوز کی تصویر شیئر کی اور لکھا ’’سوئزرلینڈ میں آکے یہ نا کیا تو کیا کیا؟

Switzerland main aake yeh na kiya toh kya kiya…?! Loving being at the Davos, now to get ready for the Crystal Award Ceremony. #DavosDiaries pic.twitter.com/c95SwSR0v2

— Shah Rukh Khan (@iamsrk) January 22, 2018

واضح رہے کہ اس تقریب میں شاہ رخ خان کے علاوہ ہالی ووڈ اداکارہ کیٹ بلینچیٹ اور برطانوی موسیقار سر ایلٹن جان کو بھی ایوارڈ دیا گیا ہے۔