انوشکا شرما شادی کے بعد سوئی دھاگے کیلیے تیار

ویب ڈیسک  منگل 12 دسمبر 2017
انوشکا شرما اور ویرات کوہلی شادی کی تقریبات میں مصروف ہیں۔ فوٹو: فائل

انوشکا شرما اور ویرات کوہلی شادی کی تقریبات میں مصروف ہیں۔ فوٹو: فائل

 ممبئی: بالی ووڈ کی نامور اداکارہ انوشکا شرما بھارتی کرکٹ ٹیم کے کپتان ویرات کوہلی سے شادی کے بعد سوئی دھاگے کے لئے مکمل طور پر تیار ہیں۔

فلم انڈسٹری کی صف اول کی اداکارہ انوشکا شرما بھارتی کرکٹ ٹیم کے کپتان ویرات کوہلی سے شادی کی وجہ سے گزشتہ کئی دنوں سے خبروں کی زینت بنی ہوئی ہیں اور اس حوالے سے مختلف قیاس آرائیاں کی جارہی تھیں لیکن کل انہوں نے اپنی شادی کا باضابطہ اعلان کرکے میڈیا پر چلنے والی خبروں کو درست ثابت کردیا۔

بھارتی میڈیا رپورٹس کے مطابق بالی ووڈ کے جوشیلے اداکار ورن دھون نے سماجی رابطے کی ویب سائٹ پر ایک تصویر پوسٹ کی جس میں وہ سلائی مشین چلاتے ہوئے نظر آرہے ہیں اور ساتھ میں انہوں نے فلم سے متعلق بھی لکھا کہ ’ہاتھ پیر کا میل گورو،’سوئی دھاگے کا کھیل شروع‘۔

رپورٹس کے مطابق بالی ووڈ کی اداکارہ انوشکا شرما بھی یش راج کے بینر تلے بننے والی فلم ’سوئی دھاگا‘ کا حصہ ہیں اور وہ پہلی بار نوجوان اداکار ورو دھون کے ساتھ جلوہ گر ہوں گی جب کہ وہ آج کل اپنی شادی کی تقریبات میں مصروف ہیں اور اس کے فوراً بعد فلم کی شوٹنگ میں مصروف ہوجائیں گی۔

واضح رہے فلم کی شوٹنگ فروری میں شروع کی جائے گی جس میں ہدایت کاری کے فرائض شارت کتریہ سرانجام دے رہے ہیں جب کہ فلم اگلے سال 28 ستمبر کو سینما گھروں کی زینت بنے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔