فرانس میں معروف مسلم اسکالر خواتین سے زیادتی کے الزام میں گرفتار

طارق رمضان نے اپنے او پر لگائے گئے الزامات کی تردید کردی،فوٹو:انٹرنیٹ

---

فرانسیسی پولیس نے یورپ کے معروف مسلمان اسکالر طارق رمضان کو خواتین سے زیادتی کے الزام میں گرفتار کرلیا ۔

غیر ملکی خبر ایجنسی کے مطابق طارق رمضان سوئٹزر لینڈ کے شہری ہیں اور برطانیہ کی معروف آکسفورڈ یونیورسٹی میں درس و تدریس سے وابستہ ہیں۔ 3 ماہ قبل فرانس کی دو خواتین نے طارق رمضان پر زیادتی کا الزام لگایا تھا، طارق رمضان پوچھ گچھ کے لیے فرانسیسی پولیس کے سامنے پیش ہوئے ، جہاں انہیں حراست میں لے لیا گیا۔

طارق رمضان نے اپنے او پر لگائے گئے الزامات کی تردید کی ہے، انہوں نے الزام لگانے والی 2 خواتین میں سے ایک پر ہتک عزت کا دعویٰ بھی کررکھا ہے۔

واضح رہے کہ طارق رمضان مصر میں اخوان المسلمون نامی اسلامی تحریک کی بنیاد رکھنے والے معروف اسکالر حسن البناء کے پوتے ہیں اس لئے انہیں مشرق وسطیٰ میں بڑی عزت کی نگاہ سے دیکھا جاتا ہے۔