محکمہ پولیس آئی ٹی ڈپارٹمنٹ کیلیے 1200اسامیوں پر بھرتی کی منظوری

پہلی کیٹیگری آفس اسٹاف،دوسری کیٹیگری ٹیکنیکل ونگ،تیسری آپریشن ونگ کی ہے. فوٹو: فائل

---

حکومت سندھ نے محکمہ پولیس کے آئی ٹی ڈپارٹمنٹ کے لیے 1200سے زائد اسامیوں پر بھرتی کی منظوری دے دی ۔

تفصیلات کے مطابق حکومت سندھ نے محکمہ سندھ پولیس کے آئی ٹی ڈپارٹمنٹ کے لیے 1200سے اسامیوں پر بھرتی کی منظوری دے دی ہے ، ذرائع کے مطابق حکومت سندھ کے محکمہ خزانہ کی جانب سے منظوری دی جانے والی اسامیوں میں گریڈ 5 سے لے کر گریڈ 18تک کی اسامیاں شامل ہیں انھوں نے بتایا کہ اسامیاں کو 3 کیٹیگری میں تقسیم کیا گیا ہے۔

پہلی کیٹیگری آفس اسٹاف کی ہے جس میں ڈی آئی جی پی آئی ٹی ،اے ڈی آئی جی آئی ٹی ، آفس سپریٹنڈنٹ ، برانچ انچارج ، اکاؤنٹینٹ اور کلرک شامل ہیں جبکہ دوسری کیٹیگری ٹیکنیکل ونگ کی ہے جس میں ڈائریکٹر ٹیکنیکل، ڈپٹی ڈائریکٹر ٹیکنیکل ، ڈپٹی ڈائریکٹر ایڈمن اینڈ ٹرینگ ، اسسٹنٹ ڈائریکٹر ٹیکنیکل، اسسٹنٹ ڈائریکٹر پی اینڈ آئی، اسسٹنٹ ڈائریکٹر ٹریننگ ، اسسٹنٹ ڈائریکٹر ایڈمن ، کمپیوٹر انسٹریکٹر، آفس سپرنٹنڈنٹ ، برانچ انچارج ایم ٹی او، اکاؤنٹینٹ، کیشئر ، کریلکل اسٹاف ، ڈیٹا انٹری آپریٹر ، سنیٹری ورک ، ڈرائیور،

سسٹم ایڈ منسٹریٹر، ڈیٹا بیس اینڈ منسٹریٹر، نیٹ ورک اینڈ منسٹریٹر، سوئٹ ویئر انجینئر ، سیکیورٹی سپر وائزر اینڈ منیجر ، ویڈیو کانفرنس منیجر ، ہارڈ ویئر منیجر ، نیٹ ورک منیجر، نیٹ ورک سپروائزر، سوئٹ ویئر منیجر ، سوفٹ ویئر سپر وائزر، نیٹ ورک ایچ ڈبلیو ٹیکنیشن ، فیلڈ سپر وائزر، ویڈیو وال منیجراور ویب منیجرشامل ہیں اور تیسری اور آخری کیٹیگری آپریشن ونگ کی ہے۔