کینیڈین وزیراعظم بھی شاہ رخ خان سے متاثر

نئی دلی: کینیڈین وزیراعظم جسٹن ٹروڈو ان دونوں اہل خانہ کے ہمراہ بھارت کے 7 روزہ دورے پر ہیں جہاں انہوں نے شاہ رخ خان سمیت متعدد بالی ووڈ اسٹارز سے ملاقات کی۔

کینیڈین وزیراعظم جسٹن ٹروڈوکا اہلیہ صوفی، دونوں بچوں زیویر اور ایلا کے ہمراہ بھارت کا دورہ جاری ہے، 7 روزہ دورے کے دوران ٹروڈواور ان کی فیملی بھارت کے ثقافتی لباس میں تاج محل، ہمایوں کا مقبرہ، بادشاہی مسجد سمیت تمام خوبصورت جگہوں کا دورہ کررہے ہیں۔ کینیڈین وزیراعظم کے 7 روزہ دورے کے دوران دونوں ملکوں کے درمیان ایک ارب ڈالر کے 66 معاہدوں پر دستخط ہوں گے جن میں فلم انڈسٹری سے متعلق معاہدہ بھی شامل ہے۔

گزشتہ روز کینیڈین وزیر اعظم کے اعزاز میں ایک تقریب کا اہتمام کیا گیا جس میں انہوں نے بالی ووڈ کنگ شاہ رخ خان، عامر خان، انوپم کھیر سمیت متعدد اداکاروں کے ساتھ ملاقات کی۔

تقریب کے دوران جسٹن ٹروڈو سنہرے رنگ کی شیروانی پہنے نظر آئے جب کہ ان کی اہلیہ صوفی ساڑھی پہنی ہوئیں تھیں جس میں وہ بہت خوبصورت دکھ رہی تھیں۔

سماجی رابطے کی سائٹ ٹویٹر پر جسٹن ٹروڈو نے بالی ووڈ کے بادشاہ شاہ رخ خان کے ساتھ تصویر ٹویٹ کی اور کنگ خان سے ملاقات کو خوشگوار قراردیتے ہوئے کہا کہ ہم آج رات کینیڈین فلم انڈسٹری اور بالی ووڈ کے درمیان مضبوط تعلقات اور تعاون کا جشن منارہے ہیں  اور اس میں شاہ رخ خان سے بہتر کوئی اور مدد نہیں کرسکتا تھا۔

https://twitter.com/JustinTrudeau/status/966065322208894976

بالی ووڈ اداکار انوپم کھیر نے بھی جسٹن ٹروڈو کے ساتھ تصاویر ٹویٹر پر شیئر کرتے ہوئے کینیڈین وزیر اعظم اور ان کے اہل خانہ کے ساتھ ملاقات کو خوشگوار قرار دیا۔ اس کے ساتھ ہی انہوں نے کہا ہم نے جسٹن ٹروڈو کے ساتھ دونوں ممالک کے لوگوں، ثقافت اور سینما انڈسٹری کے بارے میں بات کی، ان کے ساتھ بات کرکے بہت اچھا لگا۔

It was such a pleasure to meet the Canadian Prime Minister @JustinTrudeau & his family. What a charming & great conversationalist he is. Talked about people, culture and of course cinema.:) #Canada #India #lndianCinema #BendItLikeBeckham #SilverLiningsPlaybook pic.twitter.com/YqQO5qOdoB

— Anupam Kher (@AnupamPKher) February 20, 2018

نامور بالی ووڈ ہدایت کار اور اداکار فرحان اختر نے کینیڈین وزیر اعظم سے ملاقات کو اعزاز قراردیا، اس کے ساتھ ہی انہوں نے جسٹن ٹروڈو کو ’’سر‘‘ کہہ کر مخاطب کرتے ہوئے کہا کہ صنفی امتیاز کے خاتمے میں آپ کی قیادت ہم سب کے لیے متاثر کن ہے۔

Was an honour & a pleasure to meet the Hon. Prime Minister of Canada, @JustinTrudeau & his lovely wife, Sophie.
Sir, your leadership in the discourse for ending gender discrimination serves as constant inspiration to us all. pic.twitter.com/BfzrEsL6wB

— Farhan Akhtar (@FarOutAkhtar) February 20, 2018

بالی ووڈ اداکار رنگاناتھن مادھوان نے بھی جسٹن ٹروڈو سے ملاقات کو اعزاز قرار دیا۔

https://twitter.com/ActorMadhavan/status/966103140729786369

تقریب میں جسٹن ٹروڈو نے بالی ووڈ کے مسٹرپرفیکشنسٹ عامر خان کےساتھ بھی ملاقات کی۔

جسٹن ٹروڈو نے دورہ بھارت کے دوران تاج محل کا بھی دورہ کیا اور تصاویر بھی بنوائیں بعدازاں انہوں نے تصاویر ٹویٹر پر شیئر کرتے ہوئے کہا کہ میں جب پہلی بار تاج محل دیکھنے آیاتھا تو اپنے بیٹے زیویر کی عمر کا تھا، تقریباً 35 سال بعد دوبارہ اپنی فیملی کے ساتھ یہاں آنا بہت اچھا لگ رہاہے۔

I was about Xav's age when I first visited the Taj Mahal almost 35 years ago… and it's amazing to be back with him & the family on Day 1 of our trip to India. pic.twitter.com/EN6VnkYBU2

— Justin Trudeau (@JustinTrudeau) February 18, 2018