پاکستان اور سعودی عرب اسٹریٹجک پارٹنر ہیں امام کعبہ

وزیراعلیٰ پنجاب شہباز شریف سے امام کعبہ الشیخ صالح بن محمد آل طالب نے ملاقات کی فوٹو:فائل

---

لاہور: امام کعبہ الشیخ صالح بن محمد آل طالب نے کہا ہے کہ پاکستان اور سعودی عرب اسٹریٹجک پارٹنر ہیں۔

وزیراعلیٰ پنجاب شہباز شریف سے امام کعبہ الشیخ صالح بن محمد آل طالب نے ملاقات کی۔ امام کعبہ نے لاہور سمیت پنجاب میں ترقیاتی کاموں کی تعریف کرتے ہوئے کہا کہ گزشتہ سال بھی لاہور آیا تھا اوریہاں بہت ترقی دیکھی تھی، اب کی بار آ کر ترقی میں مزید اضافہ دیکھا ہے، لاہور سمیت پنجاب تیزی سے ترقی کر رہا ہے، خوشی ہوئی آپ عوامی فلاح کے لیے محنت سے کام کر رہے ہیں۔

[fb-post-embed url="

Imam e Ka'aba Dr. Saleh called on CM Punjab Shehbaz Sharif

وزیراعلیٰ پنجاب محمد شہبازشریف سے امام کعبہ ڈاکٹر الشیخ صالح بن محمد آل طالب کی ملاقات۔ امام کعبہ کی جانب سے لاہور سمیت پنجاب میں بے مثال ترقیاتی کاموں پر وزیراعلیٰ شہبازشریف کی تعریف مجھے بہت خوشی ہوئی ہے کہ آپ عوام کی فلاح و بہبود کے لئے بہت محنت سے کام کر رہے ہیں۔امام کعبہ پاکستان کا خطے کے امن و استحکام میں اہم کردار ہے۔ امام کعبہ پاکستان اور سعودی عرب یکجان دو قالب ہیں۔ دونو ں ملکو ں کے تعلقات تاریخی اور مذہبی لڑیوں میں پروئے ہوئے ہیں۔ آپ کے دورے سے ان تعلقات میں مزید اضافہ ہوگا۔ شہبازشریف پاکستان کے عوام سعودی عرب سے دلی عقیدت رکھتے ہیں۔ شہبازشریف

Posted by Mian Shehbaz Sharif on Friday, March 9, 2018

"]

امام کعبہ نے کہا کہ پاکستان اور سعودی عرب اسٹریٹجک پارٹنر ہیں، دونوں ممالک کے تعلقات میں روز بروز اضافہ ہو رہا ہے، ہم پاکستانی حکومت، عوام اور پاک افواج کے تعاون کو قدر کی نگاہ سے دیکھتے ہیں۔

وزیراعلیٰ پنجاب شہباز شریف نے کہا کہ پاکستان اور سعودی عرب یکجان دو قالب ہیں، پاکستان اور سعودی عرب کےتعلقات تاریخی ہیں، امام کعبہ کےدورے سےباہمی تعلقات میں مزید اضافہ ہوگا، سعودی عرب نےاچھے برے وقت میں پاکستان کا ساتھ دیا ہے، پاکستان کےعوام سعودی عرب کےتعاون کو کبھی بھلا نہیں سکتے۔

شہباز شریف نے کہا کہ ولی عہد محمد بن سلمان کی عوام دوست پالیسیوں کا قدر دان ہوں، سعودی ولی عہدکی پالیسیوں کے دور رس نتائج برآمد ہو رہے ہیں، پاکستان کےعوام سعودی عرب سےعقیدت رکھتے ہیں، دونوں ملکو ں کے تعلقات دنیاوی ضروریات سے بالاتر ہیں۔

ذرائع کے مطابق امام کعبہ آج اسلام آباد روانہ ہوں گے جہاں ان کی صدر ممنون حسین اور آرمی چیف جنرل قمر جاوید باجوہ سے ملاقاتیں متوقع ہیں۔