عمران خان کے خلاف توہین عدالت کی درخواست سماعت کے لیے مقرر

ویب ڈیسک  منگل 13 مارچ 2018
عدالت نے کیس کی سماعت غیر معینہ مدت تک ملتوی کردی ہے۔ فوٹو: فائل

عدالت نے کیس کی سماعت غیر معینہ مدت تک ملتوی کردی ہے۔ فوٹو: فائل

 اسلام آباد: سپریم کورٹ نے عمران خان کے خلاف توہین عدالت کی درخواست سماعت کے لیے مقرر کردی ہے۔

سپریم کورٹ میں توہین عدالت سے متعلق متفرق درخواستوں کی سماعت ہوئی، اس موقع پر چیئرمین تحریک انصاف عمران خان کے خلاف سابق چیف جسٹس افتخار چوہدری سے متعلق بیان پر2007 میں دائر درخواست پر سماعت کے دوران وکیل حشمت حبیب کا کہنا تھا کہ ہم اس کیس کو چلانا چاہتے ہیں، چیف جسٹس نے درخواست کو دوبارہ سماعت کے لیے مقررکرنے کا حکم دیتے ہوئے کیس کی سماعت غیر معینہ مدت تک ملتوی کردی۔

اس خبر کو بھی پڑھیں : نوازشریف کے خلاف توہین عدالت کی درخواست خارج

اس سے قبل سپریم کورٹ نے سابق وزیراعظم نوازشریف، شہباز شریف اور کیپٹن (ر) صفدر کے خلاف توہین عدالت کی درخواستیں خارج کردیں جب کہ رحمان ملک کو توہین عدالت کی درخواست پرنوٹس جاری کردیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔