ناقص امپائرنگ کی ایک اور مثال سامنے آگئی

نشاندہی کیلیے کوئٹہ گلیڈی ایٹرز کے کیون پیٹرسن امپائر کے پاس بھی گئے لیکن انھوں نے فیصلہ برقرار رکھا اور فری ہٹ دیدی۔ فوٹو : فائل

---

لاہور قلندرز اور کوئٹہ گلیڈی ایٹرز کے میچ میں بھی ناقص امپائرنگ کی ایک اور مثال سامنے آگئی۔

لاہور قلندرز اور کوئٹہ گلیڈی ایٹرز کے میچ میں اننگز کے 18ویں اوور میں سنیل نارائن کو گیند کرتے ہوئے انور علی کا پاؤں کریز میں ہونے کے باوجود امپائر نے نوبال کا اشارہ کردیا، میدان میں بڑی اسکرین اور ٹی وی پر ری پلے میں ثابت ہوا کہ قطعی طور انور علی کا پاؤں باہر نہیں تھا۔

اس غلطی کی نشاندہی کیلیے کوئٹہ گلیڈی ایٹرز کے کیون پیٹرسن امپائر کے پاس بھی گئے لیکن انھوں نے فیصلہ برقرار رکھا اور فری ہٹ دیدی۔