- بلوچستان سے پنجاب کوئلہ لے جانے والے ٹرکوں پر فائرنگ، ایک ڈرائیور جاں بحق متعدد زخمی
- عدلیہ مخالف مہم، رؤف حسن اور شعیب شاہین کے خلاف سپریم کورٹ میں توہین عدالت کی درخواست دائر
- کراچی: رینجرز کا سی ٹی ڈی کے دفتر پر چھاپہ، دو اہلکار گرفتار
- کراچی میں میٹرک کے امتحانات کے التوا سے انٹرمیڈیٹ کے امتحانات متاثر ہونے کا خدشہ
- سابق وزیر اعلیٰ پنجاب پرویز الہیٰ جیل سے رہا
- خیبرپختونخوا حکومت کا آئندہ مالی سال کا بجٹ 24 مئی کو پیش کرنے کا فیصلہ
- پاکستان کی ٹریول اینڈ ٹورزم کی عالمی رینکنگ میں 20 درجہ بہتری
- گندم درآمد اسکینڈل کی تحقیقات مکمل، ملبہ فوڈ سیکیورٹی پر ڈال دیا گیا، چار افسران معطل
- نمی کا تناسب بڑھنے سے کراچی شدید گرمی کی لپیٹ میں آگیا
- علامہ راغب نعیمی اسلامی نظریاتی کونسل کے چیئرمین مقرر
- بابراعظم کو کپتانی میں بہتری لانے کی ضرورت ہے، یونس خان
- انٹربینک مارکیٹ میں ڈالر مزید 10 پیسے مہنگا
- فیصل واؤڈا نے جسٹس اطہر من اللہ کے خلاف سینیٹ میں تحریک استحقاق جمع کرادی
- آسٹریلیا نے ٹی 20 ورلڈ کپ کے لیے حتمی اسکواڈ کا اعلان کردیا
- وزیراعظم شہباز شریف آج ایرانی صدر کی نمازجنازہ میں شرکت کیلئے تہران جائیں گے
- اب کوئی بھی یوپی کی سڑکوں پر نماز پڑھنے کی ہمت نہیں کرتا؛ وزیراعلیٰ اترپردیش
- پی ٹی آئی کے مرکزی ترجمان رؤف حسن ’قاتلانہ‘ حملے میں زخمی
- ایف بی آر کی ملی بھگت سے اربوں روپے ٹیکس چوری ہورہا ہے، خواجہ آصف
- نان فائلرز کی 3 ہزار 400 سے زائد سمز بلاک کی جا چکی ہیں، ایف بی آر
- ایرانی صدر کے ہیلی کاپٹر حادثے کی اعلیٰ سطح کی تحقیقات کا آغاز
ڈیٹا چوری اسکینڈل؛ فیس بک پرائیوسی سیٹنگز میں بڑی تبدیلیاں
امریکی صدارتی الیکشن میں صارفین کا ڈیٹا استعمال ہونے کے معاملے کے بعد فیس بک نے اپنی پرائیوسی سیٹنگز میں تبدیلیاں کردیں۔
غیر ملکی خبررساں ادارے کے مطابق تحقیقی کمپنی کیمبرج اینالیکٹس کی جانب سے فیس بک کے 5 کروڑ صارفین کا ڈیٹا چرانے کا اسکینڈل منظرعام پر آنے کے بعد کمپنی کے کاروبار پر منفی اثرات مرتب ہوئے تھے اور اس ضمن میں فیس بک کو راتوں رات 6 ارب ڈالرز کا نقصان اٹھانا پڑا تھا جس کے بعد کمپنی کے بانی مارک زکربرگ نے صارفین سے معافی بھی مانگی اور فیس بک نے پرائیوسی سیٹنگز میں اہم تبدیلی کرنے کا فیصلہ کیا۔
رپورٹس کے مطابق فیس بک کے بانی مارک زکربرگ نے صارفین کا ڈیٹا پہلے سے زیادہ محفوظ رکھنے کے لیے پرائیوسی سیٹنگز میں چند اہم تبدیلیاں کرنے کا اعلان کیا جو لوگوں کو اپنا ڈیٹا محفوظ کرنے کے لیے مزید آسانیاں پیدا کرے گا۔ فیس بک کی جانب سے کی جانے والی تبدیلیوں میں کوئی بھی فیچر نیا نہیں تاہم ان تمام فیچرز کی عوام تک رسائی کو مزید آسان کیا جارہا ہے۔
اس خبر کو بھی پڑھیں؛ صارفین کا ڈیٹا استعمال ہونے پر فیس بک نے معافی مانگ لی
رپورٹس کے مطابق سیٹنگز کے مینو کو نئے سرے سے بنایا جائے گا اور سیٹنگز کے تمام آپشنز کو 20 مختلف مقامات کے بجائے ایک جگہ پر اکھٹا کیا جائے گا جب کہ صارفین کے استعمال میں نہ آنے والی تمام پرانی سیٹنگز کو مکمل طور پر ختم کیا جائے گا تاکہ نئی سیٹنگز کو سمجھنے میں آسانی ہو۔
پرائیوسی سیٹنگز میں تصاویر کے ساتھ ساتھ شارٹ کٹس بھی شامل کیے جائیں گے جو صارفین کو باآسانی پرائیوسی کی مختلف سیٹنگز تک رسائی دیں گے اور یہ آپشن موبائل پر فیس بک استعمال کرنے والے صارفین کے لیے بہت اہمیت کا حامل ہوگا۔
صارفین ’ٹو فیکٹر اتھنٹیکیشن‘ کے ذریعے نہ صرف اپنے اکاؤنٹ سے شیئر کی جانے والی پوسٹس کا جائزہ لے سکیں گے بلکہ اپنی پروفائل اور پوسٹس دیکھنے والوں پر بھی مکمل کنٹرول حاصل کرسکیں گے اور ساتھ ہی اشتہارات کو بھی کنٹرول کرسکیں گے۔
اس خبر کو بھی پڑھیں؛ واٹس ایپ نے فیس بک اکاؤنٹس ڈیلیٹ کرنے کا کہہ دیا
ایک اور تبدیلی کے ذریعے فیس بک صارفین کو مکمل بااختیار بنا رہی ہے جس سے صارفین اپنے پیچ پر شیئر کی جانے والی تمام معلومات کو نہ صرف ڈیلیٹ کرسکتے ہیں جو ان کی ٹائم لائن پر بھی نظر نہیں آئے گی بلکہ وہ اپنی تصاویر کی ایک الگ کاپی اپنے پاس ڈاؤن لوڈ کرسکتے ہیں۔
فیس بک کے چیف پرائیوسی آفیسر کا کہنا تھا کہ ڈیٹا چوری ہونے کے معاملے کے بعد سے ہمیں شکایات موصول ہورہی تھیں کہ ویب سائٹ کی پرائیوسی سیٹنگ نہ صرف مشکل ہیں بلکہ ان کو تلاش کرنے میں بھی لوگوں کو مشکلات کا سامنا کرنا پڑتا ہے لہذا ہم نے فیصلہ کیا ہے کہ پرائیوسی سیٹنگز کے حوالے سے لوگوں کو زیادہ سے زیادہ معلومات فراہم کرنے کے لیے اس کو آسان کیا جائے تاکہ وہ اپنی معلومات اور ڈیٹا محفوظ رکھ سکیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔