بجٹ میں عوام کو نا امید نہیں کریں گے ہارون اختر

ٹیکس ایمنسٹی اسکیم سے 5 سے 6 ارب ڈالر سے زائد وصولی متوقع ہے، مشیر وزیر اعظم

Numainda Express April 13, 2018

ٹیکس ایمنسٹی اسکیم سے 5 سے 6 ارب ڈالر سے زائد وصولی متوقع ہے، مشیر وزیر اعظم۔ فوٹو: فائل

وزیر اعظم کے مشیر برائے ریونیو و وفاقی وزیر ہارون اختر نے کہا ہے کہ حکومت آئندہ مالی سال کے وفاقی بجٹ میں عوام کو ناامید نہیں کرے گی۔

وفاقی وزیر ہارون اختر نے کہا کہ ٹیکس ایمنسٹی اسکیم سے 5 سے 6 ارب ڈالر سے زائد کی وصولی متوقع ہے جس سے حسابات جاریہ کے خسارہ کو کم کرنے میں مدد ملے گی اور پاکستان کو آئی ایم ایف سمیت کسی کے پاس جانے کی ضرورت نہیں پڑے گی حکومت آئندہ مالی سال کا وفاقی بجٹ پیش کرنے کے لیے اپوزیشن کو ساتھ لے کر چلنا چاہتی ہے بجٹ میں عوام کو ناامید نہیں کریں گے، ہم بجٹ پیش کر سکتے ہیں تاہم حکومت اپوزیشن کو ساتھ لے کر اس کی مشاورت سے بجٹ کی تیاری پر توجہ دے رہی ہے۔

ایف بی آر ہیڈ کوارٹر میں قرعہ اندازی کے بعد میڈیا سے گفتگو کرتے ہوئے ہارون اختر خان تنخواہ دار طبقے کو ٹیکس آڈٹ سے استثنیٰ کے لیے سیکشن 214 ڈی میں ترمیم فوج یا کسی دوسرے ادارے کے دباو میں آ کر نہیں کی جارہی ہے آڈٹ کے حوالے سے فوج کی سپورٹ حاصل رہی ہے، فوجیوں کے آڈٹ میں منتخب ہونے کے بعد انہوں نے ایک ٹیم تشکیل دی ہے جو ایف بی آر سے سمجھ رہی ہے اور تعاون کررہی ہے۔

انہوں نے ایف بی آرکے ریٹائرڈ لوگوں کی خدمات حاصل کی ہیں اور تمام فوجی ٹیکس ریٹرن فائل کرتے ہیں ٹیکس ایپلٹ ٹربیونلز عدلیہ کے ماتحت آتے ہیں اس لیے ان بارے کچھ نہیں کہہ سکتا۔