ٹنڈوحیدرمسلح افراد نے دودھ سے بھری پک اپ چھین لی

ڈرائیور اوربیوپاری کو قریبی باغ میں باندھ دیا،ملزمان گھڑی اور موبائل فونز بھی لے گئے۔ فوٹو فائل

---

ڈکیتی کی مختلف وارداتوں میں شہری دودھ سے بھری پک اپ، موٹرسائیکل، لاکھوں روپے کے طلائی زیورات، نقدی اور موبائل فونز سے محروم ہوگئے۔ تفصیلات کے مطابق پبن اور ہوسڑی تھانوںکی مشترکہ حدودگائوں قاسم پنہورکے قریب مین روڈ پر میں مسلح ڈاکوئوں نے دودھ سے بھری پک اپ نمبر KQ3858 کو روکااورڈرائیور یاسین پنہور اور دودھ کے بیوپاری کو قریبی باغ میں باندھ کرگھڑی،موبائل فونز اور دودھ سے بڑی گاڑی لے اڑے۔

خانزادہ محلہ میں8مسلح افراد نے ڈرائیور راشد خانزادہ کے گھر میں گھس کر اہلخانہ کو یرغمال بناکر رسیوں سے باندھ دیا اور لاکھوں روپے کے طلائی زیورات،نقدی موبائل فونزاورعید کے کپڑے لوٹ کر فرار ہوگئے۔بخشو لغاری روڈ پر مسلح افراد او جی ڈی سی ایل کے ملازم شیر محمد بگھیو سے موٹرسائیکل، نقدی اور موبائل فون چھین کر فرار ہوگئے۔