کرپشن کیس سابق آئی جی غلام جمالی گرفتار نہ کیے جا سکے

ضمانت مسترد ہونے کے بعد فرار ہونے والا سابق افسر غلام کیریو عدالت میں پیش۔

Staff Reporter May 12, 2018

ملزمان نے جعلی بھرتیوں کے ذریعے کروڑوں کی کرپشن کرکے قومی خزانے کونقصان پہنچایا۔ فوٹو؛ فائل

نیب کرپشن کیس میں ملوث سابق آئی جی غلام حیدر جمالی کو گرفتار نہ کرسکی۔

سندھ پولیس کرپشن ریفرنس میں ضمانت مسترد ہونے کے بعد فرار ہونے والے سابق ایس پی غلام نبی کیریو احتساب عدالت میں پیش ہو گئے۔ عدالت نے ملزم کو جوڈیشل ریمانڈ پر جیل بھیج دیا، نیب سابق آئی جی غلام حیدر جمالی کو گرفتار نہ کرسکی۔

سندھ پولیس کرپشن ریفرنس میں ہائی کورٹ سے ضمانت مسترد ہونے پر فرار ہونے والے سابق ایس پی غلام نبی کیریو احتساب عدالت میں پیش ہوگئے اور گرفتاری دے دی، احتساب عدالت نے ملزم کو 25 مئی تک جوڈیشل ریمانڈ پر جیل بھیج دیا۔

عدالت نے گزشتہ روز ملزم کے ناقابل ضمانت وارنٹ گرفتاری جاری کیے تھے، نیب کے مطابق ملزمان پر881 غیر قانونی بھرتیوں کا الزام ہے،بھرتیاں ایس آر پی حیدرآباد کے لیے کی گئیں،جعلی بھرتیوں کے ذریعے کروڑوں روپے کی کرپشن کرکے قومی خزانے کو نقصان پہنچایا، بھرتیاں کانسٹیبلز، کمپیوٹر آپریٹر اور دیگر عہدوں پر کی گئیں۔