کنگ خان کو بالی ووڈ میں 26 سال مکمل ہونے پر دلچسپ انداز میں خراج تحسین 

ویب ڈیسک  بدھ 27 جون 2018
ایک مداح نے کنگ خان کی پہلی سے لیکر 2016 کی آخری فلم تک کے تمام کرداروں کو اجاگر کرنے کی کوشش کی۔فوٹو: فائل

ایک مداح نے کنگ خان کی پہلی سے لیکر 2016 کی آخری فلم تک کے تمام کرداروں کو اجاگر کرنے کی کوشش کی۔فوٹو: فائل

 ممبئی: بالی ووڈ کنگ شاہ رخ خان کے انڈسٹری میں 26 سال مکمل ہونے پر ٹوئٹر صارفین نے دلچپسپ انداز میں خراج تحسین پیش کیا ہے۔ 

بالی ووڈ کنگ شاہ رخ خان بھارت سمیت دنیا بھر میں مقبول ہیں اور ہر طرف ان کے شہرت کے چرچے ہوتے ہیں یہی نہیں وہ مداحوں کے دلوں پر بھی راج کرتے ہیں، اسی وجہ سے اپنے پسندیدہ اسٹار کی ایک جھلک دیکھنے کیلئے ہزاروں کی تعداد میں مداح ان کے گھر کے باہر کھڑے رہتے ہیں۔ شاہ رخ خان نے انڈسٹری کو بے پناہ فلمیں دیں اور ان کے کیریئر میں مختلف اتار چڑھاؤ آتے رہے جب کہ ان کے رومانوی کردار کی وجہ سے ان کو کنگ خان کا خطاب حاصل ہوا، ان کے فنی کیریئر کو 26 سال مکمل ہونے پر مداحوں کی جانب سے سوشل میڈیا پر زبردست خراج تحسین پیش کیا گیا۔

بھارتی میڈیا رپورٹس کے مطابق بالی ووڈ کنگ شاہ رخ خان کو انڈسٹری میں اپنے فن کا اظہار کرتے ہوئے 26 سال مکمل ہونے پر سوشل میڈیا صارفین کی جانب سے مختلف انداز میں خراج تحسین پیش کیا گیا۔

https://twitter.com/SRKCHENNAIFC/status/1010864606489731072

ایک صارف نے اپنی ٹوئٹ میں شاہ رخ کی تمام فلموں کے کرداروں کو انتہائی خوبصورت انداز میں ایک موشن ٹیزر کی صورت میں جاری کیا جس میں شاہ رخ خان کی پہلی فلم ’دیوانہ‘ سے لیکر 2016 کی آخری فلم ’فین‘ تک کے تمام کرداروں کو اجاگر کرنے کی کوشش کی گئی۔

صارف نے اپنی ٹوئٹ میں کہا کہ شاہ رخ خان کی فلمی صنعت میں 26 سال مکمل ہونے پر اُن کےتمام مداحوں کو کنگ خان کی تصویروں کا مجموعہ پیش کر رہا ہوں جس کو ڈسپلے فوٹو کے طور پر استعمال کیا جا سکتا ہے۔

https://twitter.com/iamadil555/status/1010444568477614080

ایک صارف نے ٹوئٹ میں اپنے اسٹار کو شاہ رخ خان سے کنگ خان بننے تک کے سفر کو سڑک کی صورت میں پیش کیا جہاں اُن کی تمام فلموں کا ذکر بھی کیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔