وفاداریاں تبدیل کرنے والوں کی سیاست کا دور گزر چکا میاں افتخار

ہمارے جلسوں میں رکاوٹ ڈالنے والے 25جولائی کے بعد عوام سے منہ چھپاتے پھریں گے،میاں افتخار۔فوٹو: فائل

---

عوامی نیشنل پارٹی کے رہنما میاں افتخار کا کہنا ہے کہ وفاداریاں تبدیل کرنے والوں کی سیاست کا دور گزر چکا لیکن اب بھی لوگوں کو ورغلانے کے لیے وسائل کا بے دریغ استعمال کیا جا رہا ہے۔

خوش مقام میں انتخابی جلسہ عام سے خطاب کرتے ہوئے عوامی نیشنل پارٹی کے رہنما میاں افتخار کا کہنا تھا کہ وفاداریاں تبدیل کرنے والوں کی سیاست کا دور گزر چکا ہے لیکن اب بھی لوگوں کو ورغلانے کے لیے وسائل کا بے دریغ استعمال کیا جا رہا ہے جب کہ بیورو کریسی کی تقرریوں اور تبادلوں پر تاحال سوالیہ نشان ہے۔

میاں افتخار نے کہا کہ ہمارے جلسوں میں رکاوٹ ڈالنے والے 25 جولائی کے بعد عوام سے منہ چھپاتے پھریں گے کیوں کہ قوم کی خدمت ہمارا نصب العین ہے اس لیے بلا رنگ و نسل اور بلا تفریق سب کی خدمت کریں گے جب کہ حکومت میں آ کر اجمل خٹک پولی ٹیکنک انسٹی ٹیوٹ واپس لے آئیں گے۔