شام میں داعش کے سربراہ ابوبکر البغدادی کا بیٹا مارا گیا

دمشق: شام میں داعش کے سربراہ ابوبکر بغدادی کا جواں سال بیٹا حذیفہ البدری اتحادی فوج کے ایک حملے میں مارا گیا ہے۔ 

بین الاقوامی خبر رساں ادارے کے مطابق داعش کے سربراہ ابوبکر البغدادی کا نوجوان بیٹا حذیفہ البدری شام کے صوبے حمس میں اتحادی افواج کے خلاف لڑتے ہوئے ایک جھڑپ میں مارا گیا ہے۔ داعش کی ترجمان اعماق نیوز ایجنسی نے حذیفہ البدری کی ہلاکت کی تصدیق کرتے ہوئے بتایا کہ حذیفہ صوبے حمس میں شامی حکومت کے خلاف برسرپیکار تھے۔

#ISIS says its leader Abu Bakr al-Baghdadi’s son, Huzeifa al-Badri, was killed fighting #Syria & #Russia troops in rural #Homs.

He looks very young. pic.twitter.com/XEpPM5nj35

— Charles Lister (@Charles_Lister) July 3, 2018

شامی حکام نے حذیفہ البدری کی ہلاکت کو بڑی کامیابی قرار دیتے ہوئے کہا کہ دہشت گردوں کے گرد گھیرا مزید تنگ کر رہے ہیں اور آخری دہشت گرد کی ہلاکت تک جاری جنگ جاری رکھیں گے۔ شام کی اتحادی افواج حمس کا بڑا حصہ داعش کے قبضے سے  واگزار کرانے میں کامیاب  ہوگئے ہیں تاہم عسکریت پسندوں کے زیر تسلط علاقوں میں فضائی بمباری کے نتیجے میں بچوں کی ہلاکتوں پر بشارالاسد حکومت کو سخت تنقید کا سامنا بھی رہا ہے۔

واضح رہے کہ داعش کے سربرہ ابوبو بکر بغدادی اور ان کے اہل خانہ کی ہلاکتوں کی متضاد خبریں آتی رہی ہیں تاہم زیادہ تر اطلاعات درست ثابت نہیں ہوتی ہیں۔ تاحال کسی کو علم نہیں کہ داعش کا سربراہ اس وقت زندہ ہے یا مارا جا چکا ہے۔