افغان وزیر خارجہ کی جلال آباد میں قونصل خانے کی سلامتی کو لاحق خطرات اور مسائل حل کرنے کی یقین دہانی فوٹو:فائل
ترجمان دفتر خارجہ ڈاکٹر محمد فیصل کے مطابق افغانستان کے وزیر خارجہ صلاح الدین ربانی نے وزیر خارجہ شاہ محمود قریشی کو فون کیا اور منصب سنبھالنے پر مبارک باد دیتے ہوئے افغانستان کے دورے کی دعوت دی جو انہوں نے قبول کرلی۔
Afghan FM Rabbani called FM Qureishi. FM reiterated Pakistan’s commitment towards peace and stability in Afghanistan. Both sides agreed on continued cooperation under APAPPS and to resolve security issues concerning Pakistan Consulate in Jalalabad pic.twitter.com/PEMhIRHTva
— Ministry of Foreign Affairs - Pakistan (@ForeignOfficePk) September 3, 2018
پاک افغان وزرائے خارجہ نے دو طرفہ تعلقات کو مزید بہتر بنانے اور علاقائی سلامتی کی صورتحال پر بھی غور کیا۔ دونوں رہنماؤں نے افغانستان کے شہر جلال آباد میں پاکستانی قونصل خانے کے سیکیورٹی مسائل پر بھی گفتگو کی۔
یہ بھی پڑھیں: پاکستانی قونصل خانے پر صوبائی گورنر کے حملے کا انکشاف
صلاح الدین ربانی نے قونصل خانے کی سلامتی کو لاحق خطرات اور مسائل کو حل کرنے کی یقین دہانی کرائی۔ ترجمان دفتر خارجہ کے مطابق افغان وزیر خارجہ نے جلال آباد میں پاکستانی قونصل خانے کو 28 اگست سے پہلے والی سیکیورٹی فراہم کرنے کی یقین دہانی کرائی۔ شاہ محمود قریشی نے پاک افغان امن منصوبے کے تحت افغانستان میں قیام امن و استحکام کے لیے تعاون جاری رکھنے پر اتفاق کیا۔
واضح رہے کہ ہفتے کو پاکستان نے افغانستان کے صوبے ننگرہار کے شہر جلال آباد میں سیکیورٹی خدشات کے باعث اپنا قونصل خانہ بند کردیا تھا۔ صوبے ننگرہار کے گورنر حیات اللہ حیات نے 29 اگست کو قونصل خانے پر دھاوا بولا تھا اور توڑ پھوڑ کی تھی جس کی وجہ سے قونصل خانہ بند کیا گیا۔
