- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
رنز بنانے کی’’ترکیب‘‘ بھولنے کے سبب ’’ کک‘‘ ریٹائر
لندن: رنز بنانے کی ’’ترکیب‘‘ بھولنے کے سبب ’’کک‘‘ ریٹائر ہو گئے، تجربہ کار اوپنر انٹرنیشنل کرکٹ میں بھارت کیخلاف اوول ٹیسٹ کے دوران آخری بار ایکشن میں دکھائی دیں گے، البتہ وہ کم سے کم ایک برس تک ایسیکس کی جانب سے کھیلنے کا سلسلہ جاری رکھیں گے، ان کی اگلی منزل کوچنگ کیریئر ہے، فیملی کو بھی زیادہ وقت دیں گے۔
تفصیلات کے مطابق انگلینڈ کے تجربہ کار بیٹسمین اور ٹیسٹ کرکٹ کی تاریخ میں چھٹے سب سے زیادہ رنز اسکور کرنے والے کھلاڑی الیسٹر کک نے انٹرنیشنل کرکٹ سے ریٹائرمنٹ کا اعلان کر دیا،بھارت کے خلاف پانچواں اوول ٹیسٹ ان کا آخری میچ ہوگا،اگرچہ وہ ابھی صرف 33 برس کے ہیں مگر مسلسل خراب فارم نے انھیں یہ فیصلہ کرنے پر مجبور کردیا، رواں برس کک9 ٹیسٹ میں صرف 18.62 رنز ہی بنا پائے۔
جس کی وجہ سے انھوں نے اپنی آن دی فیلڈ مشکلات کا خاتمہ کرنے کا فیصلہ کرلیا، یہ فیصلہ کسی بھی صورت میں حیران کن نہیں کیونکہ کک کا کھیل کافی عرصے سے گراوٹ کا شکار تھا، بھارت سے چوتھے ٹیسٹ کے دوران ان کی کیریئر اوسط بھی گر کر 45 ہوگئی جو2010 کے بعد سب سے کم ہے۔ الیسٹرکک نے اب تک اپنے 160 ٹیسٹ میچز میں 44.88 کی اوسط سے 12254 رنز بنائے ہیں، ان کی قیادت میں انگلینڈ نے 59 ٹیسٹ میچز کھیلے،24 میں فتح اور 22 میں شکست ہوئی جبکہ 13 ڈرا ہوئے۔ انھیں ڈیبیو پر بھارت میں سنچری اسکور کرنے کا بھی اعزاز حاصل ہے۔
کک فوری طور پر کھیل سے ناطہ نہیں توڑ رہے بلکہ کم سے کم ایک برس تک تو ان کا ایسیکس کی جانب سے کاؤنٹی کرکٹ کھیلنے کا ارادہ ہے، وہ مستقبل میں کوچنگ کیریئر بھی اختیار کرنے کی سوچ رکھتے ہیں، ان کے لیے ابھی اپنی فیملی کی دیکھ بھال اہم ہے، اوول ٹیسٹ کے دوران ان کے گھر پر تیسرے بچے کی ولادت بھی متوقع ہے۔
اس لیے کھیل سے باہر ان کی دلچسپی کیلیے بہت کچھ موجود ہے۔ الیسٹر کک نے کہاکہ گزشتہ چند ماہ کی سوچ بچار کے بعد میں بھارت سے جاری ٹیسٹ سیریز کے اختتام پر ریٹائرمنٹ کے فیصلے پر پہنچا ہوں، اگرچہ میرے لیے یہ ایک اداس دن ہے مگر چہرے پر بڑی مسکراہٹ اس لیے ہے کہ میں نے اس کھیل کو سب کچھ دے دیا اور کچھ بھی بچا کر نہیں رکھا، میں نے جتنا سوچا تھا اس سے بہت زیادہ حاصل کیا، میں اپنی فیملی، ساتھی کھلاڑیوں اورخاص طور پر مکمل سپورٹ پر بارمی آرمی کا شکرگزار ہوں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔