بگ باس سیزن 12 میں بھارتی سنگھ کی دھماکے دار انٹری

بگ باس کا نیا سیزن 16 ستمبر سے کلر ٹیلی ویژن پر نشر کیا جائے گا۔ فوٹو: فائل

---

بھارت کے متنازع شو بگ باس سیزن 12 میں مشہور کامیڈین بھارتی سنگھ شوہر کے ہمراہ شو میں شامل ہو گئی ہیں۔

بھارت کے مشہور ریئلیٹی شو بگ باس سیزن 12 کے شرکاء سے متعلق چند روز قبل کچھ نام سامنے آئے تھے جس میں اداکاروں کے ساتھ عام عوام کی بھی انٹری دیکھنے میں آئی تاہم شو کو مزید چار چاند لگانے کے لئے مشہور کامیڈین بھارتی سنگھ کو بھی شامل کرلیا گیا ہے۔

بھارتی میڈیا رپورٹس کے مطابق گزشتہ روز بھارتی شہر گوا میں بگ باس سیزن 12 کی تشہیر کے لئے ایک تقریب منعقد کی گئی جہاں بالی ووڈ سلطان سلمان خان نے میزبانی کے فرائض انجام دیتے ہوئے اسٹیج پر معروف کامیڈین بھارتی سنگھ کا اعلان کیا جو کہ بگ باس میں بطور شرکاء اپنے شوہر ہرش لمبچھیا کے ہمراہ شامل ہوں گی۔

[instagram-post url="https://www.instagram.com/p/BnTSf8_FWkK/"]

بھارتی سنگھ کا شومیں شامل ہونے کے حوالے سے کہنا ہے کہ 'کلر ہمارا گھر چلا رہا ہے جب کہ میں ہمیشہ سے ہنسی کی ملکہ ہوں لیکن میں جھگڑالو ملکہ بننا نہیں چاہتی اس لئے ہمیں زیادہ سے زیادہ ووٹ دیئے گا۔

https://twitter.com/ColorsTV/status/1036909714238369797

بالی ووڈ سلطان سلمان خان نے بھی تشہیر کے دوران انکشاف کیا کہ اس سیزن میں میری جگہ شاہ رخ خان پہلی ترجیح تھے لیکن انہوں نے شوٹنگ اور کاندھے کی چوٹ کی وجہ سے معذرت کرلی اور اس بات کا علم مجھے ابھی ہی ہوا ہے جب کہ میں اس میزبانی کے فرائض کے لئے شاہ رخ خان اور کلر ٹی وی کا شکریہ بھی ادا کرتا ہوں۔