کراچی سمیت سندھ بھر میں 8 تا 10 محرم کو ڈبل سواری پر پابندی عائد

ویب ڈیسک  جمعـء 7 ستمبر 2018
ڈبل سواری پر پابندی کا اطلاق 3 روز اور دیگر احکامات پر یکم تا دس محرم تک پابندی ہوگی، نوٹی فکیشن :فوٹو:فائل

ڈبل سواری پر پابندی کا اطلاق 3 روز اور دیگر احکامات پر یکم تا دس محرم تک پابندی ہوگی، نوٹی فکیشن :فوٹو:فائل

کراچی: محکمہ داخلہ سندھ نے محرم الحرام کے موقع پرصوبے بھر میں 3 روز کے لئے ڈبل سواری پر پابندی عائد کردی ہے۔

ایکسپریس نیوز کے مطابق محرم الحرام کے موقع پر کراچی سمیت سندھ بھر میں موٹر سائیکل کی ڈبل سواری پر پابندی عائد کردی گئی ہے، اور اس حوالے سے محکمہ داخلہ سندھ نے نوٹی فکیشن بھی جاری کردیا ہے۔

نوٹی فکیشن کے مطابق موٹر سائیکل کی ڈبل سواری پر پابندی 8 سے 10 محرم تک ہوگی اور اس کا اطلاق صوبے بھر میں ہوگا، جب کہ سندھ بھر میں اسلحے کی نمائش، لاوڈ اسپیکر کے بلا اجازت استعمال، دل آزار تقاریر،  وال چاکنگ اور ہیلی کیم کے استعمال پر بھی  دفعہ  144 نافذ کی گئی ہے۔

محکمہ داخلہ سندھ کا کہنا ہے کہ ڈبل سواری پر پابندی کا اطلاق 3 روز کے لیے جب کہ  دیگر احکامات پر یکم تا دس محرم تک پابندی ہوگی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔